An difríocht idir athruithe ar: "An Aivéistis"

Seanteanga Oir-[[Teangacha Iaránacha|Iaránach]] is ea an '''Aivéistis''' a bhí á scríobh san [[An Iaráin|Iaráin]] ocht gcéad bliain roimh bhreith [[Íosa Críost|Chríost]]. Is í an Aivéistis teanga an leabhair ''Aivéasta'', arb é scrioptúr naofa an t[[An Sorastrachas|Sorastrachais]] é. Is iad na ''Gataí'' an chuid is sine den Aivéasta, agus iad scríofa i dteanga ar a dtugtar Sean-Aivéistis. Creidtear gurb é [[Sorastar]], bunaitheoir an reiligiúin, féin a chum na Gataí, agus tá an teanga iontu chomh seanársa go bhfuil sí níos cosúla leis an t[[An tSanscrait|Sanscrait]] ná leis na [[teangacha Iaránacha]] eile. Tá an chuid eile den Aivéasta cumtha i leagan níos deireanaí den teanga chéanna, ar a dtugtar Aivéistis Óg. Is dócha go bhfuil an Aivéistis Óg an-chóngarach don chineál teanga a labhraítí in Oirthear na hIaráine faoin am ar cumadh an leabhar féin. Níos deireanaí fós, bhítí ag cumadh téacsaí i leagan truaillithe den Aivéistis Óg nach raibh á labhairt go nádúrtha ag aon duine a thuilleadh. Is gnách "Aivéistis Óg Shaorga" a thabhairt ar an gcineál seo Aivéistise. Ba í teanga liotúirgeach na sagart Sorastrach í.