Tá Páirtí an Lucht Oibre fosta ar an bpáirtí is mó i Rialtas na [[An Bhreatain Bheag|Breataine Bige]], feidhmeannacht díláraithe laistigh den Ríocht Aontaithe. Is é Mark Drakeford ceannaire an pháirtí sa Bhreatain Bheag, agus mar sin Céad-Aire na Breataine Bige. Ón toghchán deireanach i 2016, tá an páirtí i gcomhaontú leis an [[An Páirtí Daonlathach Liobrálach|bPáirtí Daonlathach Liobrálach]].
== Aighneas faoin bhFrith-Ghiúdachas ==
Ón bhliain 2016, tá aighneas sa pháirtí faoi imnithe go bhfuiltear ag cur suas le frith-Ghiúdachas laistigh den pháirtí. I mí Aibreáin 2016, i ndiaidh airde sna meáin ar dhá ráiteas conspóideach ó bhaill iomráiteacha den pháirtí -– Naz Shah, feisire i dTeach na dTeachtaí, agus [[Ken Livingstone]], iar-mhéara de Londain, faoi seach -– coimisiúnaíodh tuairisc ar fhrith-Ghiúdachas laistigh den pháirtí ó dlíodóir agus ball den pháirtí Sami Chakrabarti.<ref>{{Lua idirlín|url=https://www.vox.com/world/2018/3/29/17168320/labour-corbyn-anti-semitism-mural|teideal=The UK Labour Party’s anti-Semitism crisis, explained|údar=Zack Beauchamp|dáta=2018-03-29|work=Vox|dátarochtana=2019-03-12}}</ref> Níor chuir an tuairisc seo deireadh leis an aighneas, áfach; tá daoine éagsúla laistigh agus lasmuigh den pháirtí araon ag déanamh líomhan nach bhfuil ceannasaíocht an pháirtí ag déanamh a dhóthain le dul i ngleic leis an bhfrith-Ghiúdachas laistigh den pháirtí; na líomhaine seo ag teacht chun cinn i mí Mhárta 2018, nuair a fuair sean-trácht a rinne Jeremy Corbyn faoi mhórphictiúr aird sna meáin<ref>{{Lua idirlín|url=https://inews.co.uk/news/politics/jeremy-corbyn-anti-semitism-row-key-facts/|teideal=Jeremy Corbyn’s anti-Semitism row: the key facts you need to know|údar=Serina S, hu|dáta=2018-03-26|language=en-GB|work=inews.co.uk|dátarochtana=2019-03-12}}</ref>, agus i mí Feabhra 2019, nuair a d'imigh an feisire parlaiminte Luciana Berger, ar Giúdach í, den pháirtí, agus í ag lua drochíde frith-Ghiúdaí agus an chreidiúint a bhí aici go raibh an páirtí anois "ina páirtí go forleitheadach frith-Ghiúdach".<ref>{{Lua idirlín|url=https://www.huffingtonpost.co.uk/entry/chuka-umunna-quits_uk_5c6a5877e4b01757c36cdbab|teideal=7 MPs Quit The Labour Party To Form 'The Independent Group'|dáta=2019-02-18|language=en|work=HuffPost UK|dátarochtana=2019-03-12}}</ref>
