An difríocht idir athruithe ar: "Raidiam"

Bhí an-tábhacht leis an raidiam d'fhorbairt na raideolaíochta, nó b'é an raidiam an chéad dúil cheimiceach a haithníodh mar dhúil radaighníomhach. B'iad [[Pierre Curie|Pierre]] agus [[Marie Curie]] a chuir sonrú sna [[Línte Fraunhofer|línte speictreacha]] is dual don raidiam sa bhliain 1898, línte nach raibh baint acu le haon dúil cheimiceach a raibh aithne acu uirthi. Is é an tátal a bhain siad as na línte speictreacha gur tháinig siad trasna ar dhúil anaithnid. Ó bhí an dúil sin ag astú gathanna a raibh an-fhuinneamh iontu, bhaist siad "raidiam" uirthi - ainm atá bunaithe ar an bhfocal [[Laidin]]e a chiallaíonn "ga", nó ''radius''. D'aonraigh Marie Curie agus André-Louis Debierne an chéad eiseamal raidiam sa bhliain 1902. Ar dtús, d'éirigh leo clóiríd raidiam (RaCl₂) a tháirgeadh, agus ansin, [[Leictrealú|leictrealaigh]] siad tuaslagán na clóiríde seo. Bhain siad úsáid as an mearcair mar chatóid: nuair a dhí-ocsaídigh an [[catóid|chatóid]] na h[[ian|iain]] raidiam Ra⁺ go raidiam miotalach, meascadh na hadaimh raidiam tríd an [[mearcair]], ionas gur cruthaíodh [[malgam]]. Ina dhiaidh sin, dhealaigh Curie agus Debierne, an raidiam agus an mearcair ó chéile tríd an malgam a dhriogadh in atmaisféar [[hidrigin]]e.

 

 

{{síol}}