Ba é '''Uilliam II''' ([[27 Eanáir]] [[1859]] - [[4 Meitheamh]] [[1941]]) impire deireanach na [[an Ghearmáin|Gearmáine]] (Kaiser). Bhí sé ina rí ar an b[[an Phrúis|Prúis]]. Bhí sé i gceannas ar [[Impireacht na Gearmáine]] agus [[An Phrúis|Ríocht na Prúise]] ón 15ú Meitheamh 1888 go dtí an 9ú Samhain 1918. Ba é an garpháiste is sinne ag [[Victoria na Ríochta Aontaithe|Banríon Victoria]] na Breataine agus bhí sé gaolta le go leor de mhonairc agus prionsaí na hEorpa.
Rinneadh rí de in 1888, bhris sé an Seansailéir, [[Otto von Bismarck|Otto Von Bismarck,]], as a phost in 1890 agus chur sé an Ghearmáin ar "Chúrsa Nua" trodach i ngóthaí eachtracha a chríochnaigh le eisean ag tabhairt tacaíocht don [[An Ostair-Ungáir|Ostair-Ungair]] ins an ghéarchéim i mí Iúil 1914 a chur tús leis an [[An Chéad Chogadh Domhanda|gCéad Chogadh Domhanda]] laistigh de chúpla lá. Bhí pearsa bladhmannach agus luathintinneach aige rinne sé cinntí agus ráítís místuama ar ábhair conspóideacha uaireanta gan chomairle a fháil óna airí, ag críochnú le hagallamh tubaisteach leis an ''Daily Telegraph'' i 1908 agus chaill sé formhór a thioncar dá bhárr. Shochraigh a chuid príomhghinearál, [[Paul von Hindenburg]] agus Erich Ludendorff, polasaithe i rith an Cheád Chogadh Domhanda le beagán meas ar an rialtas sibhialtach. Ba cheannaire cogaidh neamhéifeachtach é agus chaill sé tacaíocht an airm. Thug sé suas coróin i mí na Samhna 1918 agus theith sé ar deoraíocht go dtí an Ísiltír.
