Cál

Baineann cál, ar a dtugtar chabáiste duilleach freisin, le grúpa cabáistí (Brassica oleracea) saothróga a fhástar as a nduilleoga inite, cé go n-úsáidtear cuid acu mar ornáideacha. Bíonn na duilleoga simplí nó catach, glas nó corcra agus ní chruthaíonn na duilleoga lárnacha ceann (mar atá le cabáiste ceannach). Meastar go bhfuil cáil níos gaire do chabáiste fiáin ná an chuid is mó den iliomad foirmeacha ceansaithe de Brassica oleracea. Tá sé díorthaithe ó mhustard fiáin.

Cál

Brassica oleracea var. sabellica
Tacsanomaíocht
For-ríocht	Eukaryota
Ríocht	Plantae
Ord	Brassicales
Fine	Brassicaceae
Géineas	Brassica
Speiceas	Brassica oleracea
Cineál	Brassica oleracea var. sabellica L., 1753
Ainmníocht
Ainm comhchiallach an tacsóin	Brassica oleracea var. acephala

Sanasaíocht

Eascraíonn 'cál' as "caulis" an focal Laidine le haghaidh 'cabáiste'.

Stair

Páistí ag bailiú duilleoga de chál dearg na Rúise (Brassica napus var. pabularia) i ngairdín teaghlaigh

Tháinig cál ó oirthear na Meánmhara agus na hAnatóile, áit ar saothraíodh é mar bhia ag tosú faoin mbliain 2000 RCR ar a dhéanaí. Bhí cineálacha catacha ann cheana féin mar aon le cineálacha duilleog cothrom sa Ghréig sa 4ú haois RCR. Meastar gurb iad na foirmeacha seo, ar thagair na Rómhánaigh dóibh mar chál Saibíneach, sinsear na gcál comhaimseartha.