Iomann

Is cineál amhráin é iomann, a chantar de ghnáth chun dia nó déithe a mholadh nó a adhradh. Tagann an focal iomann ón tSean-Ghréigis ὕμνος a chiallaíonn “amhrán molta”.

Cé gur i gcomhthéacs na Críostaíochta is mó a bhfuil eolas ar iomainn in Éirinn, is gné de reiligiúin dhomhanda eile iad chomh maith, go háirithe i bhfo-ilchríoch na hIndia (stotra). Tháinig roinnt iomann anuas ón gcianaois, go háirithe ó chultúir na hÉigipte agus na Gréige. Is iomainn le téacsanna Gréigise iad cuid de na samplaí is sine de nodaireacht an cheoil.