Paicéad

Glaoitear paicéad (nó amanna fráma) ar phíosa sonraí a sheoltar thar líonra ríomhairí. Níl sé éifeachtach seicheamh fada giotáin a aistriú in aon aistear thar líonra. D'fhéadfadh trasnaíocht nó fabht cuir isteach ar an aistriú agus bheadh gá an seicheamh a athsheoladh. Leis seo a sheachaint, déantar na sonraí a bhriseadh suas ina bpíosaí beaga ar a dtugtar paicéid.

Paicéad

Cineál	unit of information (en) agus Protocol data unit (en)

Inneachair na bPaicéad

Bíonn paicéid cúpla cileabheart ar fhad go hiondúil – braitheann sé seo ar an gcineál líonra agus an cineál prótacal atá in úsáid. Déantar na paicéid a sheoladh ceann i ndiaidh a chéile thar an líonra. Go hiondúil, bíonn paicéad comhdhéanta de trí chuid: an ceanntásc, na sonraí agus an buntásc. Coinnítear eolas riaracháin sa cheanntásc agus sa bhuntásc ar nós:

• Uimhir sheichimh an phaicéid
• Seoladh an fhaighteora
• Seoladh an tseoltóra
• Suim sheiceála (Bearta breise a ghintear go matamaiticiúil ó na sonraí. Is féidir í a úsáid le earráidí a bhrath.

Dearbhú

Seoltar paicéad speisialta - admháil (ACK/acknowledge) ar ais chuig an seoltóir le haghaidh na bpaicéad a thagann slán. Seoltar paicéad speisialta - admháil dhiúltach (NAK /not acknowledge) le haghaidh na bpaicéad nach dtagann slán nó nach tagann in aon chor. Caithfear na paicéid nach dtagann slán a athsheoladh. Cuirtear é seo i bhfeidhm i mbealaí éagsúla ag brath ar an líonra atá in úsáid, ach i bprionsabal oibríonn gach líonra sa tslí seo.

Cosúlachtaí le Cártaí Poist

Cuirtear béim go minic ar na cosúlachtaí idir paicéid agus cártaí poist:

• Cuirtear seoladh cinn scríbe orthu
• Cuirtear seoladh an seoltóra orthu
• Ní féidir ach méid áirithe eolais a chur orthu
• Amanna cailltear iad agus iad á sheachadadh
• Ní leanann siad an conair chéanna agus iad ar an mbealach