Peter Brian Medawar
Míoleolaí a rugadh i Rio de Janeiro na Brasaíle ab ea Peter Brian Medawar (28 Feabhra 1915 - 2 Deireadh Fómhair 1987). D'oibrigh sé sa Bhreatain ar feadh a shaolré. Thaispeáin sé gur diúltú imdhíonach a bhí i gceist nuair a theip ar nódú craicinn.
Agus an taighde seo ar siúl aige i gcomhar le Macfarlane Burnet, thaispeáin sé, dá n-insteallfaí fíochán ó dheontóir i bhféatas sa bhroinn go nglacfadh colainn an pháiste sin le nódú nó ionchlannú ón deontóir sin tar éis a bhreithe.
Roinn an bheirt Duais Nobel na Fiseolaíochta nó an Leighis sa bhliain 1960 as seo.
D'fhoilsigh sé leabhair shuntasacha freisin, The Uniqueness of the Individual (Sainiúlacht an Duine Aonair, 1957), The Art of the Soluble (1967, Ealaín na hInréiteachta) agus Pluto's Republic (1982, Poblacht Plútóin).[1]
Tagairtí cuir in eagar
- ↑ Hussey, Matt (2011). "Peter Brian Medawar". Fréamh an Eolais. Coiscéim. p. 446.
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |