Sherbrooke, Québec

Cathair i gCeanada

Cathair i ndeisceart Chúige Québec, i gCeanada, is ea Sherbrooke. Tá sé suite san áit ina dtagann na haibhneacha Saint-François agus Magog le chéile sa limistéar riaracháin (Fraincis: région administrative) Estrie. Bhí 153,384 duine ina gcónaí sa chathair sa bhliain 2009, an séú cathair is mó i gCúige Québec. Tá timpeall agus 194,555 duine i mórcheantar Sherbrooke.

Bosca Geografaíocht PholaitiúilSherbrooke, Québec

Cuir in eagar ar Wikidata

Suíomh
Map
 45°24′N 71°54′W / 45.4°N 71.9°W / 45.4; -71.9
Stát ceannasachCeanada
Cúige CheanadaQuébec
Réigiún riaracháin in QuébecEstrie (en) Aistrigh Cuir in eagar ar Wikidata
Príomhchathair de
Estrie (en) Aistrigh Cuir in eagar ar Wikidata
Daonra
Iomlán172,950 (2021) Cuir in eagar ar Wikidata
• Dlús471.13 hab./km²
Tíreolaíocht
Cuid deEastern Townships (en) Aistrigh Cuir in eagar ar Wikidata
Achar dromchla367.1 km² Cuir in eagar ar Wikidata
Suite i nó in aice le limistéar uisceAbhainn Saint-François agus Abhainn Magog Cuir in eagar ar Wikidata
Ar theorainn le
Sonraí stairiúla
Bunaitheoir(í)Gilbert Hyatt Cuir in eagar ar Wikidata
Cruthú1793
Aitheantóir tuairisciúil
Lonnaithe i gcrios ama
Glaochód819 agus 873 Cuir in eagar ar Wikidata
Eile

Suíomh gréasáinville.sherbrooke.qc.ca Cuir in eagar ar Wikidata

Is é Sherbrooke príomhionad an gheilleagair, na polaitíochta, cúrsaí cultúir agus institiúidí de gach aon chineál in Estrie, agus mar sin Ríon na mBailecheantar Thoir a thugtaí ar an gcathair timpeall casadh na 20ú haoise. (“Na Bailecheantair Thoir” an t-ainm a thugtaí ar an gcuid sin de Québec sular cumadh an t-ainm Estrie ón bhfocal Fraincise est, nó oirthear.) Déanann 40,000 mac léinn a gcuid staidéar ag Ollscoil Sherbrooke (Úniversité de Sherbrooke) gach bliain. Oibríonn 11,000 duine ag ranna éagsúla na hollscoile. Tá ollscoil níos lú ann freisin a fhreastalaíonn ar Bhéarlóirí, mar atá Bishop's University. Tá sléibhte agus locha i gceantar Sherbrooke agus tá páirc mhór sa chathair féin darb ainm Mont-Bellevue ina ndéantar sciáil le fána sa gheimhreadh.

Bunaíodh Sherbrooke sa bhliain 1793. Dílseoirí Meiriceánacha, agus iad ar an teitheadh ón gCogadh Réabhlóideach, a chéadchuir fúthu san áit. Orthu sin bhí feirmeoir ó Schenectady, Nua-Eabhrac darbh ainm Gilbert Hyatt, fear a chuir muileann plúir ar siúl. “Hyatt’s Mills” an t-ainm a bhí ar an sráidbhaile go dtí an bhliain 1818 nuair a athbhaisteadh é in onóir Ghobharnóir Ginearálta Cheanada, Sir John Sherbrooke, ar ócáid a fhillte go Sasana. Sa bhliain 2002, cuireadh Sherbrooke agus roinnt bailte beaga le chéile le hionad riaracháin amháin a dhéanamh díobh.

As Sherbrooke do Jean Charest, iar-phríomhaire Québec, agus Conrad Black, fear gnó agus údar.

Nasc seachtrach cuir in eagar