Vicipéid na Catalóinise
Leagan as Catalóinis den chiclipéid phoiblí ilteangach Vicipéid is ea Vicipéid na Catalóinise (Catalóinis: Viquipèdia en català). Viquipèdia en valencià a thugtar uithi freisin mar aitheantas ar an leagan den teanga a labhraítear i ndeisceart na gcríoch Catalónach. Tháinig sí ar an bhfód ar 16 Márta 2001, roinnt nóiméad i ndiaidh Vicipéid na Gearmáinise. Is iad sin an chéad dá Vicipéid a cuireadh ar siúl i ndiaidh do Jimmy Wales a fhógairt go raibh cead leaganacha den Vicipéid a bhunú i dteangacha eile seachas an Béarla. Ar feadh cúpla mí, ba í Vicipéid na Catalóinise an t-aon cheann seachas Vicipéid an Bhéarla a raibh ailt le léamh ann. “Àbac” (abacas) an chéad alt i Vicipéid ar bith nach i mBéarla é. Ar an 12 Lúnasa 2020, bhí 654,229 alt ann.
Teanga | An Chatalóinis |
---|---|
Dáta cruthaithe | 16 Márta 2001 |
Ceadúnas | Creative Commons Attribution-ShareAlike 3.0 Unported (en) agus Ceadúnas GNU do Dhoiciméadú Saor |
Cainéal IRC | irc://irc.freenode.net/#wikipedia-ca |
Aibítir | aibítir Laidineach |
Staitisticí | |
Ailt | 746,430 |
Úsáideoirí cláraithe | 477,679 |
Riarthóirí | 28 |
Leathanaigh iomlána | 1,867,576 |
Comhaid áitiúla | 11,511 |
Vicipéid na Catalóinise |
Tá eagraíocht neamhspleách darb ainm Amical Wikimedia curtha ar bun a thugann tacaíocht do Vicipéid na Catalóinise.
Tagairtí cuir in eagar
Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |