Whitney Houston
B'amhránaí popcheoil í Whitney Elizabeth Houston (9 Lúnasa 1963, Newark, New Jersey, Stáit Aontaithe Mheiriceá - 11 Feabhra 2012, Beverly Hills, California). Bhí clú is cáil ar a guth láidir.[1]
.JPEG)
Is é "I Will Always Love" ceann de na hamhráin is rathúla a bhí ag Whitney, a bhí sa scannán The Bodyguard (1992).
Saol cuir in eagar
Phós sí Bobby Brown ar an 18 Iúil 1992. Bliain ina dhiaidh sin, tháinig a hiníon, Bobbi Kristina Houston Brown, ar an saol. Fuair Whitney agus Bobby colscaradh sa bhliain 2006.
D'éag Houston ar an 11 Feabhra 2012, in aois 50 di. Thóg sí ródháileog drugaí (cócaon) agus thángthas ar a corp i dtobán folctha sa Beverly Hilton.[2] Ghnóthaigh Houston saibhreas as cuimse, agus bhí "saol an liomó bháin" aici mar a déarfá. Ach fós féin bhí sí chomh tugtha sin do na drugaí go raibh uirthi cuairt a thabhairt ar na ceantair ba shuaraí agus ba bhoichte chun a handúil a shásamh.[3] Gabhadh í fiú sa bhliain 2000 agus le linn na 2000idí, chaill sí guaim agus tharraing sí fiacha troma uirthi féin.
Sa bhliain 2015, fuair a leanbh aonair anbhás ar an gcaoi chéanna ; thóg Bobbi Kristina Brown ródháileog drugaí agus thángthas uirthi i dtobán folctha ina bhaile féin.[4] Fuair sí bás roimh am, 22 bliain d'aois, ar 26 Iúil 2015
Féiniúlacht cuir in eagar
Faoin am a raibh cáil dhomhanda bainte amach ag Houston mar amhránaí bhí tromlach dá comhghormaigh ann nach dtrasnódh an bóthar chun ceoilchoirm léi a fheiceáil.[3]
Cuireadh i leith Houston gur thug sí droim láimhe lena muintir féin. Ní raibh an ceol a chan sí 'gorm' go leor, dar leo. Mar sin níor thuill sí meas an phobail ghoirm sna Stáit Aontaithe. Fiú agus í ag tosú ar bhóthar an cheoil, bhíodh na djanna, go háirithe na gormaigh, ag fonóid fúithi.
Rinneadar mugadh magadh di agus de réir mar a chuaigh sí in airde réime is ea is mó a chuir siad ina leith go raibh sí tar éis a hanam a dhíol, an dubh a chur ina gheal uirthi féin, nach eiseamláir do ghormaigh óga in aon chor a bhí inti, go raibh a fréamhacha stoite aici, agus a pobal féin á thréigean aici.[3]
Dioscliosta cuir in eagar
Albaim stiúideo cuir in eagar
- 1985: Whitney Houston
- 1987: Whitney
- 1990: I'm Your Baby Tonight
- 1998: My Love Is Your Love
- 2002: Just Whitney
- 2003: One Wish: The Holiday Album
- 2009: I Look to You
Albaim beo cuir in eagar
Fuaimriain cuir in eagar
- 1992: The Bodyguard
- 1995: Waiting to Exhale
- 1996: The Preacher's Wife
Bailiúcháin cuir in eagar
- 2000: Whitney: The Greatest Hits
- 2001: Love, Whitney
- 2004: Artist Collection: Whitney Houston
- 2007: The Ultimate Collection
- 2012: Will Always Love You: The Best of Whitney Houston
- 2014: Whitney Houston Live: Her Greatest Performances
Físeáin/DVDanna cuir in eagar
- 1991: Welcome Home Heroes with Whitney Houston
- 1997: Classic Whitney Concert
- 1999: VH1 Divas Live '99
- 2000: The Greatest Hits
- 2000: Fine
- 2002: Whatchulookinat Video/Whatchulookinat Behind-the-Scenes Footage/Love to Infinity Megamix Video
- 2004: Artist Collection: Whitney Houston
Nasc seachtrach cuir in eagar
Tagairtí cuir in eagar
- ↑ "Whitney Houston | Official Site" (en-US). Whitney Houston Official Site. Dáta rochtana: 2023-01-09.
- ↑ "The Beverly Hilton" (as en) (2022-12-04). Wikipedia.
- ↑ 3.0 3.1 3.2 MICHEAL O hAODHA (10 Aib 2012). "Lonrú dorcha na staire" (ga-IE). The Irish Times. Dáta rochtana: 2023-01-09.
- ↑ "Bobbi Kristina Brown" (as en) (2023-02-09). Wikipedia.