Táinseamh faoi dhó Donald Trump
Táinsíodh Teach na nIonadaithe an 45ú uachtarán na Stát Aontaithe Donald Trump don dara huair ar 13 Eanáir 2021, seachtain amháin sular tháinig deireadh lena théarma agus insealbhú Joe Biden mar uachtarán ar an 20 Eanáir.
| ||
| Cineál | táinseamh Uachtarán na Stát Aontaithe táinseamh  | |
|---|---|---|
| Dáta na bliana | 13 Eanáir 2021 | |
| Tír | Stáit Aontaithe Mheiriceá | |
| Donald Trump | ||
| Cúis | Ruathar ar an gCaipeatól | |
| Cosantóir | ||
Ghlac Teach Ionadaithe na Stát Aontaithe le hairteagal amháin táinsimh i gcoinne Trump: “éirí amach a spreagadh”. Is é an chéad uachtarán ar Mheiriceá (agus an t-aon sealbhóir ar aon oifig chónaidhme) ar tharla a leithéid dó. faoi dhó, an uair roimhe sin i mí na Nollag 2019 as mí-úsáid cumhachta agus bac na Comhdhála.[1][2]
Tháinig táinseamh Trump le linn a chuid iarrachtaí toghchán uachtaránachta na Stát Aontaithe 2020 a chur ar ceal, leis an alt ag lua glao gutháin Trump-Raffensperger agus líomhaintí gur ghríosaigh sé a lucht tacaíochta chun ruathar a thabhairt ar an gCaipeatól, an tseachtain roimhe sin.
Dúirt Spéicéir an Tí, agus ceannasaí na nDaonlathach sa Teach, Nancy Pelosi nach raibh aon rogha ann ach Trump a tháinseamh. “Caithfidh sé imeacht. Is contúirt mhór i gcónaí é don náisiún dá bhfuil grá againn go léir,” a deir Nancy Pelosi. An 11 Eanáir, thug Pelosi foláireamh deiridh don Leas-Uachtarán Mike Pence an 25ú Leasú a agairt laistigh de 24 uair an chloig nó leanfadh an Teach ar aghaidh le himeachtaí táinsimh.[3]
Ar 11 Eanáir, 2021, tugadh isteach airteagail um tháinseamh a cuireadh i leith Trump – “éirí amach a spreagadh” i gcoinne rialtas na SA agus “gníomh gan dlí ag an gCaipeatól”, i dTeach na nIonadaithe. Tugadh an t-airteagail isteach le níos mó ná 200 comhurraí.
Ar 12 Eanáir, i litir chuig Pelosi, chuir Pence in iúl go soiléir nach ndéanfadh sé Alt 4 den 25ú Leasú a agairt, ag creidiúint nach mbeadh sé “chun leasa ár Náisiúin nó ag teacht lenár mBunreacht”. Mar sin féin, rith tromlach de Theach na nIonadaithe, lena n-áirítear Poblachtánach amháin rún ag áiteamh ar Phence an 25ú Leasú a agairt ar son a tháinsimh nó go vótálfadh tromlach an Tí ar son a tháinsimh.
Toradh cuir in eagar
Deichniúr Poblachtánach a vótáil ar son Trump a tháinseamh faoin ionsaí ar an gCaipeatól. Ach sa bhliain 2022, ní raibh beirt acusan fós san iomaíocht a bheith ina bhfeisirí in 2023. Níor atoghadh ceathrar [Wyoming, Washington, Michigan agus Carolina Theas], agus d’éirigh ceathrar eile as an bpolaitíocht náisiúnta.[4]
Sa mbliain 2021 thacaigh Liz Cheney le táinseamh an Uachtaráin Trump. Dá bharr sin, bhain na Poblachtánaigh ceannaireacht an pháirtí sa bparlaimint di mí Bealtaine 2021.[4] Faoi Shamhain 2021 chinn lárchoiste a páirtí [31v29] ina stát féin, Wyoming, nach n-aithneofaí feasta í mar bhall den pháirtí Poblachtánach. Dúirt Trump gur chóir do Cheney náire a bheith uirthi ach gur ghearr go ndéanfaí dearmad iomlán uirthi.[4]
Féach freisin cuir in eagar
Tagairtí cuir in eagar
- ↑ Elie Honig (2019-12-23). "The Trump administration is hiding something" (en). CNN. Dáta rochtana: 2022-01-10.
- ↑ "Táinseamh déanta ar Donald Trump den dara huair" (ga-IE). Tuairisc.ie. Dáta rochtana: 2022-01-10.
- ↑ "Democrats give VP Mike Pence ultimatum to remove Trump from White House" (en-GB). BBC News (2021-01-11). Dáta rochtana: 2022-01-10.
- ↑ 4.0 4.1 4.2 "An bhróg tugtha ag lucht vótála an Pháirtí Phoblachtánaigh do Liz Cheney" (ga-IE). Tuairisc.ie. Dáta rochtana: 2022-08-24.