Trá na gCeann, Bearna
Tá Trá na gCeann[1] suite ar imeall thiar Chathair na Gaillimhe, míle ó shráidbhaile Bhearna. Tá tóir ar an trá sin ag lucht cathrach, daoine áitiúla agus ag cuairteoirí.[2]
 Trá na gCeann, Bearna | ||||
|---|---|---|---|---|
| Suíomh | ||||
| Aitheantóir tuairisciúil | ||||
An trá
cuir in eagarTrá éadomhain agus gainmheach atá sábháilte le páistí agus iontach le haghaidh snámh ... nuair atá an taoide istigh. Tá sruth láidir ann. Bíonn garda tarrthála ann i rith míonna an tsamhraidh. Súnn an gaineamh an teas isteach i rith an lae agus má fhanann tú go mbeidh an taoide lán um thráthnóna, beidh an fharraige féin níos teo le tú féin a thumadh inti.[3]
Tá aill ar thaobh amháin agus carraigeacha ar an taobh eile. Tá radhairc iontach ar Chuan na Gaillimhe. I measc na n-áiseanna tá carrchlós, leithris agus ionad picnice. Tá fáilte roimh mhadraí ar an trá. Is féidir do chathaoireacha rothaí ar an trá freisin.[2]
Eachtraí
cuir in eagarBádh an ceoltóir cáiliúil Johnny Duhan agus, tamall níos déanaí, Máire Ní Fhátharta ar an 12 Samhain 2024.[4] Scuab an sruth chun siúil iad. Bhí corp Mháire faighte ag na seirbhísí tarrthála ar an 22 Samhain. Chaith na céadta aon lá dhéag á cuardach ar chósta Chuan na Gaillimhe moch is déanach, ar muir agus ar tír, de shiúl na gcos, san aer agus i mbáid bheaga is mhóra ar an bhfarraige. Bailíodh breis agus €225,000 trí fheachtas GoFundme ‘Tugadh muid Máire abhaile’ le cuidiú le costas an chuardaigh agus gheall an teaghlach go dtabharfaí aon airgead nár caitheadh d’eagraíochtaí tarrthála éagsúla.[5]
Treoracha
cuir in eagarIs féidir taistil ann ar Bus 424 Bhus Éireann ó Chathair na Gaillimhe. Ó chathair na Gaillimhe tóg an R336 i dtreo Cois Fharraige agus tá comhartha le haghaidh Trá na gCeann thart ar trí míle taobh amuigh den gcathair.
Féach freisin
cuir in eagarTagairtí
cuir in eagar- ↑ i mBéarla, Silverstrand beach Galway
- ↑ 2.0 2.1 connemara.ie. "Silver Strand -Trá na gCeann Bearna" (en-GB). Connemara & the Islands. Dáta rochtana: 2025-03-14.
- ↑ Aedin Ni Thiarnaigh (2022-08-18). "Na cúig áit is fearr chun snámh iontu i gContae na Gaillimhe" (en-US). PEIG. Dáta rochtana: 2025-03-14.
- ↑ "Corp faighte i gConamara sa chuardach do Mháire Ní Fhátharta" (ga-IE). Tuairisc.ie (2024-11-22). Dáta rochtana: 2025-03-14.
- ↑ "Máire Ní Fhátharta tugtha abhaile go dtína fód dúchais" (ga-IE). Tuairisc.ie (2024-11-25). Dáta rochtana: 2025-03-14.