Unión General de Trabajadores

Unión General de Trabajadores
	;
Sonraí
Ainm gearr	UGT
Cineál	ceardchumann
Idé-eolaíocht pholaitíochta	comhionnanas sóisialta
Stair
Dáta a bunaíodh	12 Lúnasa 1888, Teatre de Jovellanos (en)
Gníomhaíocht
Limistéar oibriúcháin	an Spáinn
Ball de	European Trade Union Confederation (en) ; International Trade Union Confederation (en)
Rialachas corparáideach
Ceanncheathrú	UGT headquarters, Madrid, An Spáinn;
Ardrúnaí	José María Álvarez Suárez
Suíomh gréasáin	http://www.ugt.es

Ceann de phríomh-cheardchumainn na Spáinne is ea Unión General de Trabajadores (UGT, Ceardchumann ilsaothair Oibrithe), cleamhnaithe go stairiúil le Páirtí na nOibrithe Sóisialacha Spáinneacha (PSOE).

Stair

Bhunaigh Pablo Iglesias Posse (r. Ferrol 1850 – b. Maidrid 1925) an UGT ar an 12 Lúnasa 1888 in Mataró (Barcelona), faoi anáil smaointe Marxacha agus sóisialachais. Ní raibh an streachailt aicmeach mar bunphrionsabal ina chuid gníomhaíochtaí go dtí an naoú comhdháil déag. Cé nach raibh aon aontú foirmeálta ag an UGT leis an PSOE, tá nasc eatarthu ó bhunú an cheardchumainn.

I rith an Chéad Chogadh Domhanda, bhí gaol láidir idir an UGT agus an Confederación Nacional del Trabajo (CNT, Cónaidhm Náisiúnta Lucht Oibre). Tháinig deireadh tobann leis an ré seo le ré nua an deachtóra Miguel Primo de Rivera, a thug monaplacht dhlíthiúil don cheardchumann urraithe ag an rialtas. Cé gur easaontaigh an UGT leis an deachtóireacht, bhí siad sásta comhoibriú le stádas dlíthiúil a choimeád. Tháinig radacú orthu i rith tréimhse Dara Poblacht na Spáinne faoi thionchar Francisco Largo Caballero. D'eagraigh siad an stailc ghinearálta sa bhliain 1934 de bharr teacht i gcumhacht na heite deise. Bhí thart ar mhilliún ball aige faoin am seo. Chuir an Cogadh Cathartha le fadhbanna inmheánach an cheardchumainn, agus d'fhág Largo Caballero sa bhliain 1937.

Dhíbir Francisco Franco an ceardchumann i ndiaidh an Chogaidh Chathartha, agus bhí ar an UGT dul faoi thalamh. I ndiaidh a bháis (1975), tháinig siad chun tosaigh arís agus sa lá atá inniu ann tá siad ar cheann de na príomh-cheardchumainn sa tír ó thaobh ionadaíocht an lucht oibre.

Féach Freisin

Pablo Iglesias, bhunaigh sé an UGT agus an PSOE