V. R. Krishna Iyer
Breitheamh ar Chúirt Uachtarach na hIndia ab ea V. R. Krishna Iyer (15 Samhain 1915 – 4 Nollaig 2014).[1] Feachtasóir díograiseach ar son cearta sibhialta agus sóisialta ba ea é. Rinne sé ceannródaíocht ar mhodh breithnithe inar tugadh ciall ní ba leithne don Bhunreacht agus a cuireadh próiseas an dlí in oiriúint don cheartas sóisialta.
| V. R. Krishna Iyer | |||||||
|---|---|---|---|---|---|---|---|
 | |||||||
Márta 16, 1957 - Iúil 31, 1959 - V. R. Krishna Iyer → Dúiche: Thalassery State Assembly constituency (en)  Toghchán: 1957 Kerala Legislative Assembly election (en)
Aibreán 5, 1957 - Iúil 31, 1959
Feabhra 22, 1960 - Meán Fómhair 10, 1964 ← V. R. Krishna Iyer - K. P. R. Gopalan → Dúiche: Thalassery State Assembly constituency (en) Toghchán: 1960 Kerala Legislative Assembly election (en) | |||||||
| Saol | |||||||
| Ainm iomlán | വൈദ്യനാഥപുരം രാമയ്യർ കൃഷ്ണയ്യർ | ||||||
| Eolas breithe | Palakkad, 15 Samhain 1914 | ||||||
| Náisiúntacht | An India Réimeas Briotanach Tiarnas na hIndia | ||||||
| Teanga dhúchais | An Mhailéalaimis | ||||||
| Bás | Kochi, 4 Nollaig 2014 | ||||||
| Cúis bháis | bás nádúrtha (cliseadh croí) | ||||||
| Oideachas | |||||||
| Alma mater | Government Victoria College (en) Sree Rama Varma High School (en) Ollscoil Annamalai | ||||||
| Teangacha | an Béarla An Mhailéalaimis An Hiondúis | ||||||
| Gairm | |||||||
| Gairm | breitheamh, dírbheathaisnéisí agus polaiteoir | ||||||
| Duaiseanna | |||||||
Bronnadh an dara gradam is airde san India, an Padma Vibhushan, air sa bhliain 1999.[2][3][4]
SaolCuir in Eagar
Thosaigh Iyer ag cleachtadh an dlí sa bhliain 1938.[5] Níorbh fhada go ndeachaigh sé i bpáirt leis an eite chlé ina cheantar dúchais.
Tar éis dó a bheith tofa ina bhall neamhspleách de Chomhthionól Reachtaíochta Mhadras sa bhliain 1952, bhí Iyer ina aire dlí agus cirt, gnóthaí baile, uiscithe, cumhachta, príosún, leasa shóisialta agus longseoireachta intíre sa chéad rialtas Cumannach i Stát Kerala (1957-59). D'fhan sé ina bhall den chomhthionól go dtí 1965.
Sa bhliain 1968, ceapadh Iyer ina bhreitheamh d'Ard-Chúirt Kerala. Ansin bhí sé ina bhall de Choimisiún Dlí na hIndia idir 1971 agus 1973.[5]
Ar 17 Iúil 1973, ceapadh ar Chúirt Uachtarach na hIndia é. Agus Iyer ina bhreitheamh, rinne sé ceannródaíocht ar mhodh breithnithe ní ba dhíograisí, sásta le ciall ní ba leithne a thabhairt d'fhorálacha an bhunreachta agus próiseas an dlí a chur in oiriúint d'éilimh an cheartais shóisialta trí dhlíthíocht leasa an phobail a chruthú. Bhí sé ina thacadóir dílis de chuid an chúnaimh dlí chomh maith.[5]
Ar scorCuir in Eagar
Sa bhliain 1980, tar éis dó éirí as an gCúirt Uachtarach, lean Iyer ar aghaidh mar phearsa phoiblí ghníomhach, a bhíodh i mbun feachtais ar son na gcúiseanna a bhí á gcur chun cinn aige an t-am ar fad ó bhí sé ina fhear óg, go dtí cúpla seachtain roimh a bhás, agus é naoi mbliana is nócha d'aois.
Féach freisinCuir in Eagar
TagairtíCuir in Eagar
- ↑ The news Minute (2014). "Beathaisnéis". www.thenewsminute.com. Cartlannaíodh an bunleathanach ar 2013-08-19. Dáta rochtana: 2020-07-20.
- ↑ "Judicial Activism in India : A Festchrift in honour of Justice V.R. Krishna Iyer [HB, Universal Law Publishing Co.]". law-all.com. Dáta rochtana: 2022-11-15.
- ↑ "Justice V.R. Krishna Iyer's Concept of Social Justice: Buy Justice V.R. Krishna Iyer's Concept of Social Justice by Jaswal Vikram S. at Low Price in India" (en). Flipkart.com. Dáta rochtana: 2022-11-15.
- ↑ "The Hindu : Living life king-size". web.archive.org (2003-03-09). Cartlannaíodh an bunleathanach ar 2003-03-09. Dáta rochtana: 2022-11-15.
- ↑ 5.0 5.1 5.2 "UCD School of Law" (ga). www.facebook.com. Dáta rochtana: 2020-07-20.