Viðoy

Is é Viðoy an t-oileán is faide ó thuaigh sna Scigirí. Tá sé suite lastoir de Borðoy lena bhfuil sé gaolta le cabhsa. Oileán adhmaid an chiall lena ainm, cé nach bhfuil crann ar bith ag fásadh ar an oileán. Is é is cúis ar tugadh an t-ainm air ná an t-adhmad raice a thagann ón tSibéir agus ó Mheiriceá Thuaidh.

Viðoy

(fo) Viðoy
Cineál	Oileán
Cuid de	Oileáin Fharó
Suite laistigh de/ar ghné fhisiciúil	Oileáin Fharó
Suíomh
Limistéar riaracháin	Hvannasund, Oileáin Fharó (en) agus Viðareiðis Municipality, Oileáin Fharó (en)
62.33°N 6.52°W / 62.33; -6.52
Suite i nó in aice le limistéar uisce	An tAigéan Atlantach
Tréithe
Airde os cionn na farraige	841 m
Pointe is airde	Villingadalsfjall (en)  (841 m )
Achar	41 km²

Tíreolaíocht

Dhá lonnaíocht atá ag Viðoy, is iad ná Hvannasund ar an gcósta thiar theas agus Viðareiði, arb é an lonnaíocht is faide ó thuaidh sna Scigirí é, ar an gcósta thiar thuaidh. Tá bóthar fad an chósta thiar idir an dá lonnaíocht. Tá ceangal cabhsa idir Hvannasund agus Norðdepil ar Borðoy, agus tá seirbhís bus ann a théann thar an gcabhsa ó Klaksvík go dtí an t-oileán.

Sléibhte

Aicme	Ainm	Airde
3	Villingadalsfjall	841m
24	Nakkurin (norðari)	754m
29	Malinsfjall	750m
52	Filthatturin	688m
53	Oyggjarskoratindur	687m
67	Enniberg	651m
84	Sneis	634m
116	Tunnafjall	593m
147	Talvborð	557m
174	Mølin	511m
192	Nakkurin	481m

Tá aon sliabh déag ar Viðoy, agus is é ceann dá gcuid, Villingadalsfjall, an bhinn is faide ó thuaidh sna Scigirí. Tá aill Enniberg ar an gcósta thuaidh freisin; is í an dara haille is airde san Eoraip agus í 750m ar airde (is é Hornelen na hIorua an aille is airde in aice leis an bhfarraige san Eoraip). Taispeántar na sléibhte de réir a n-aicme laistigh de na Scigirí.