Díréiriúchán

Díréiriúchán nó díréiriú a thugtar ar imoibriú ceimiceach ina n-ocsaídítear cuid d'adaimh na dúile céanna, agus an chuid eile acu á ndí-ocsaídiú. Samplaí iad:

• an chlóiríd mhearcarúil a dhéanann díréiriúchán go mearcair agus clóiríd mhearcarach faoi thionchar na radaíochta ultraivialait:

Hg₂Cl₂ → Hg + HgCl₂

Is í an uimhir ocsaídiúcháin atá ag an mearcair sa chlóiríd mhearcarúil ná +1, agus is í staid ocsaídiúcháin an mhearcair sa chlóiríd mhearcarach ná +2. Ar ndóigh, is é 0 an uimhir ocsaídiúcháin sa ghlanmhearcair.

• an t-aigéad fosfarúil a dhéanfaidh díréiriúchán go haigéad fosfarach agus foisfín má théitear suas é:

4 H₃PO₃ → 3 H₃PO₄ + PH₃

• an clóirín a dhéanfaidh díréiriúchán go hiain chlóiríde (staid ocsaídiúcháin an chlóirín: -1) agus chlóráite (staid ocsaídiúcháin an chlóirín: +5) má théann sé i dteagmháil leis an hiodrocsaíd sóidiam:

3 Cl₂ + 6 OH⁻ → 5 Cl⁻ + ClO₃⁻ + 3 H₂O

• an dóigh a n-imoibríonn an dé-ocsaíd nítrigine (uimhir ocsaídiúcháin: +4) leis an uisce, agus í ag déanamh níotráite (uimhir ocsaídiúcháin: +5) agus nítríte (uimhir ocsaídiúcháin: +3):

2 NO₂ + H₂O → HNO₃ + HNO₂