Echu mac Muiredaig
Rí Uí Chinnsealaigh de mhuintir Uí Fheilimí ba ea Echu mac Muiredaig (fl. lár na 6ú haoise). Muiredach mac Óengusa ba ea a athair agus Óengus mac Feidlimid a sheanathair, ríthe Uí Chinnsealaigh beirt. De shliocht Fheilimí mhic Énnae Cennsalach iad uile.[1]
| Teaghlach | |
|---|---|
| Páiste | Brandubh mac Eachach  |
Feictear Eacha sna ríliostaí sa Leabhar Laighneach, ach níl aon trácht ar Eacha sna hannála. Sa dán den 11ú déag, Gein Branduib maic Echach ocus Aedáin maic Gabráin, deirtear gur dhíbir a dheartháir Faolán é agus go ndeachaigh sé ar deoraíocht go cúirt rí an Dál Riada san Albain, Gabrán mac Domangairt. Feictear rí darbh ainm Faolán mac Síoláin sna ríliostaí, de shliocht Crimthann mac Énnai (bás 483). Tháinig Eachtra ar ais mar rí ach ní deirtear cén chaoi.
Insítear ansin sa dán gur rugadh dhá chúpla ar an oíche chéanna, beirt mhac do bhean chéile Eachach, Feidelm, agus beirt iníonacha do bhean chéile Ghabhráin. Thoiligh Eacha agus Feidelm mac amháin acu a chur ar altramas, ionad go raibh mac ag gach clann. Brandub mac Echach (bás 603) agus Áedán mac Gabráin ba ea na buachaillí. Scríobhadh an dán le linn ré comhoibrithe idir na Laigin agus an Alba, agus b'fhéidir é go raibh bolscaireacht a bhí i gceist. Dhéanfadh rí Laigean de Bhrandubh in am trátha agus chuirfeadh sé cosc ar shíneadh Uí Néill an deiscirt.
Foinsí
cuir in eagar- Francis John Byrne, Irish Kings and High Kings
- Leabhar Laighneach, Rig Hua Cendselaig, G800011A ar CELT
Naisc sheachtracha
cuir in eagar- Dán Wiley, Cycles of the Kings
Tagairtí
cuir in eagar- ↑ Byrne, Table 10