George Marlay
Sagart Anglacánach Éireannach ab ea George Marlay san ochtú haois déag: [1] bhí sé ina Easpag ar an Droim Mór [2] ó 1745 go dtí 1763. Thug sé a ainm do Marlay Park, a bhfuil an-tóir air anois i ndeisceart Bhaile Átha Cliath.
| Beathaisnéis | |
|---|---|
| Bás | 1763 |
| Faisnéis phearsanta | |
| Scoil a d'fhreastail sé/sí | Coláiste na Tríonóide, Baile Átha Cliath  |
| Teaghlach | |
| Páiste | Elizabeth Marlay |
| Athair | Anthony Marlay, of Creevah (en)  agus Elizabeth Morgan |
Rugadh é sa Chraobhach Bheag, gar do Bhaile Uí Mhatháin. Contae an Longfoirt, an mac ab óige ag Anthony Marlay agus Elizabeth Morgan. Ba as Newcastle-upon-Tyne ó dhúchas a athair, agus ba mhac é le laoch Chogaidh Chathartha Shasana, Sir John Marlay. Tháinig a mháthair ó theaghlach seanbhunaithe i gContae Shligigh. Ba é Thomas Marlay, Tiarna Príomh-Bhreitheamh na hÉireann, a dheartháir. Ba é Tomás athair Richard Marlay, Easpag Phort Láirge agus an saighdiúir Coirnéal Thomas Marlay, agus seanathair an státaire nótáilte Henry Grattan. .
Fuair Marlay a chuid oideachais i gColáiste na Tríonóide, Baile Átha Cliath. ☃☃ Bhí sé ina PhReibindire ar Ráth Bhoth agus ina Reachtaire ar Lú. [3]
Phós sé Elizabeth Dunleavy agus bhí beirt pháistí acu, George agus Elizabeth. Ba oifigeach airm é George, a throid i gCogadh Saoirse Mheiriceá, agus gabhadh é tar éis Chath Saratoga. Phós sé an Bhantiarna Catherine Butler, an iníon ab óige le Brinsley Butler, 1ú Iarla Bhéal Átha Liag agus an Bhantiarna Jane Rochfort, agus chónaigh sé go príomha i Londain. Phós Elizabeth an baincéir mór le rá David La Touche, a rinneadh ina chéad Ghobharnóir ar Bhanc na hÉireann. Thóg David teach iontach ó dheas de chathair Bhaile Átha Cliath, ar thug sé Teach Marlay ai, in ómós do chlann a mhná céile. Sa lá atá inniu ann tá sé in úinéireacht phoiblí agus ina áis phoiblí a bhfuil an-tóir air ag muintir Bhaile Átha Cliath agus ag turasóirí araon.
Fuair Marlay bás ar 13 Aibreán 1763.