Gustav Heinemann
Dlíodóir agus polaiteoir de chuid na Gearmáine ba ea Gustav Heinemann (23 Iúil 1899 – 7 Iúil 1976), a bhí ina Uachtarán ar Phoblacht Chónaidhme na Gearmáine idir 1969 agus 1974.[1]
.jpg)
Saol
cuir in eagarRé Weimar
cuir in eagarSa bhliain 1926, rinneadh dlíodóir de Heinemann. Bhí dhá dhochtúireacht aige (PhD a bronnadh sa bhliain 1922 agus LLD a bronnadh sa bhliain 1929).[2]
In Essen a bhí Heinemann ag dlíodóireacht agus bhí sé ina chomairleoir dlí (1929-49) agus stiúrthóir (1936-49) de chuid Rheinische Stahlwerke AG.
I dtréimhse Weimar, bhí Heinemann ina thacaí de chuid Pháirtí Daonlathach na Gearmáine agus na Seirbhíse Pobail Críostaí Sóisialta agus thug sé a vóta do na Daonlathaithe Sóisialta (SPD) sa bhliain 1933 mar an gcaoi is éifeachtaí cur in aghaidh na Naitsithe.
Ós rud é nár thréig sé a ghaol lena shinsir dhaonlathach liobrálach agus go raibh sé ina bhall den Eaglais Fhaoistiniúil, dhiúltaigh Heinemann dul isteach sa Pháirtí Naitsíoch. Ina ionad sin, chabhraigh sé, go gairmiúil agus go pearsanta, daoine a bhí ag cur in aghaidh an réimis nó a bhí leatrom á imirt aige orthu.
I ndiaidh an Dara Cogadh Domhanda, bhí Heinemann chun tosaigh san fheachtas go n-admhódh an Eaglais Shoiscéalach sa Ghearmáin nár chuir a cuid ball in aghaidh réimeas na Naitsithe, mar a d'admhaigh an Eaglais i nDearbhú Stuttgart i mí Dheireadh Fómhair 1945. Bhí sé gníomhach i gceannasaíocht na Eaglaise Soiscéalaí go ceann deich mbliana eile.
Tréimhse iarchogaidh
cuir in eagarBall bunaidh den Aontas Daonlathach Críostaí (CDU) ba ea Heinemann sa bhliain 1946. Bhí sé ina Aire Dlí agus Cirt i dTuaisceart na Réine agus an Viostfáil (1947-48) agus ina Aire Gnóthaí Baile feidearálach (1949-50.)
D'fhág Heinemann an CDU mar gheall ar cheist atharmáil na Gearmáine (a raibh an ghráin aige uirthi. Sa bhliain 1952, bhí sé i measc bhaill bhunaidh Pháirtí Pobail na Gearmáine Iomláine, a bhí ar son Gearmáine athaontaithe neodrach dímhíleataithe. Ina dhiaidh sin, chuaigh sé isteach sna Daonlathaithe Sóisialta.
Tar éis dó éirí as mar Aire sa bhliain 1950, atosaigh Heinemann ag dlíodóireacht. Ba mhinic a bhí sé ina ionadaí ar son easaontóirí, ar nós diúltóirí coinsiasacha. Ina theannta sin d'oibrigh sé chun príosúnaigh pholaitiúla in Oirthear na Gearmáine a scaoileadh.
Aire Dlí agus Cirt, 1966-1969
cuir in eagar
Bhí Heinemann ina Aire Dlí agus Cirt leasaitheach i gcomhrialtas CDU-SPD idir 1966 agus 1969. Bhí sé freagrach as leasuithe ar an gcód coiriúil i dtreo an athshlánaithe agus an imeasctha shóisialta agus as deireadh a chur le cionta maidir leis an adhaltranas agus leis an gnéas idir fir fásta toilteanacha. Mar sin féin, bhí sé i gcoinne an dlí maidir leis an nginmhilleadh a mhaolú.
I mí Bealtaine 1968, cuireadh cumhachtaí práinne isteach sa Bunreacht. Forálacha an-chonspóideach a bhí ann. Ach thacaigh Heinemann leo go huile agus go hiomlán.
In ainneoin na tacaíochta sin, neartaíodh an íomhá a bhí ag Heinemann mar phearsa fhorásach, a bhí ar son na nua-aimsearthachta, de bharr a chuid ráiteas muinteartha maidir le gluaiseacht na mac léinn agus an aosa óig i gcoitinne ar son an athraithe shóisialta. Neartaíodh an íomhá go mór mór ó ba rud é gur cháin An tSeansailéir Kiesinger go géar Heinemann agus a chuid smaointe .
Uachtarán
cuir in eagarSa bhliain 1969, toghadh Heinemann ina Uachtarán ar Phoblacht Chónaidhme na Gearmáine. Ag é ag tabhairt "uachtarán na saoránach" air féin, chuaigh Heinemann i ngleic leis an oifig leis an dearcadh neamhfhoirmeálta cothromaíoch céanna. Dá bharr sin bhí an-chion ag aos óg na Gearmáine ar Heinemann.
Tagairtí
cuir in eagar- ↑ www.bundespraesident.de: (2011). "Der Bundespräsident / Gustav Heinemann". www.bundespraesident.de. Dáta rochtana: 2021-07-08.
- ↑ Scoil Dlí, COBÁC (2018). "Gustav Heinemann". Dáta rochtana: 2021.