Leptoptilos dubius

Ball d'fhine na storc, na Ciconiidae, is ea an chorr mhór Indiach (Leptoptilos dubius). Cuimsíonn a ghéineas Leptoptilos javanicus na hÁise agus Leptoptilos crumenifer na hAfraice. Tráth, bhíodh sé le fáil forleathan ar fud dheisceart agus oirdheisceart na hÁise, ach tá an chorr mhór Indiach srianta anois do raon i bhfad níos lú gan ach trí líonta pórúcháin ann; dhá cheann san India, leis an gcoilíneacht is mó in Assam, ceann níos lú timpeall Bhagalpur; agus líonta pórúcháin eile sa Chambóid. Scaipeann siad go forleathan tar éis an tséasúir phóraithe. Tá goba ollmhóra dingeacha, maolcheann agus púitse sainiúil muiníl ag an storc mór seo. I rith an lae, bíonn sé ag faoileoireacht i dteirmigh i dteannta le bultúir lena roinneann sé an nós scroblála. Scroblálann siad splíonach den chuid is mó; mar sin féin, is sealgairí faille iad agus uaireanta déanann siad seilg ar veirteabraigh. Bhí líon mór acu ina gcónaí san Áise tráth, ach tháinig laghdú orthu (b'fhéidir, mar gheall ar shláintíocht fheabhsaithe) go dtí pointe ar cuireadh i mbaol iad. Measadh go raibh timpeall míle acu beo sa bhliain 2008. Sa 19ú haois, bhí siad coitianta i gcathair Calcúta go háirithe, áit ar gaireadh "aidiúnach Calcutta" orthu agus ar cuireadh san áireamh iad in armas na cathrach. Go háitiúil, tugtar hargila orthu (díorthaithe ó na focail Asaimise "har" a chiallaíonn “cnámh” agus "gila" a chiallaíonn “slogaire”) agus meastar gur éin neamhghlana iad, ní chuirtear isteach orthu den chuid is mó ach uaireanta déantar seilg orthu lena gcuid feola a fháil.

Leptoptilos dubius

Sonraí
Meánlíon in ál	2.8
Stádas caomhnaithe
Tacsanomaíocht
Aicme	Aves
Ord	Ciconiiformes
Fine	Ciconiidae
Treibh	Leptoptilini
Géineas	Leptoptilos
Speiceas	Leptoptilos dubius (J.F.Gmel., 1789)
Ainmníocht
An chéad ainm Laidine a bhí air	Ardea dubia
Léarscáil de raon an tacsóin
Ceantair eindéimeacha	Kaziranga National Park (en) , Pani Dihing Wildlife Sanctuary (en) , Nameri National Park (en) , Dehing Patkai National Park (en) , Manas National Park (en) , Orang National Park (en) , Dipor Bil (en) , Amchang Wildlife Sanctuary (en) , Dibru-Saikhowa National Park (en) , Garbhanga Reserve Forest (en) , Pobitora Wildlife Sanctuary (en) , Hoollongapar Gibbon Sanctuary (en) , Digholi Beel (en) , Kokilamukh Beel (en) agus Majuli (en)