Mainchín
Is é Mainchín (Saint Munchin as Béarla) éarlamh cathrach agus deoise Luimnigh. Ciallaíonn a ainm manach nó sagart beag.
| Beathaisnéis | |
|---|---|
| Bás | i. 652 |
| Gníomhaíocht | |
| Gairm | sagart  |
| Ardú | |
| Lá féile | 2 Eanáir |
Saol
cuir in eagarNíl mórán eolais fágtha anois faoina shaol ach ach an méid atá le fáil i nginealaigh Dhál gCais. Deirtear gur shíolraigh sé ó Shéanna, mac Cais.[1]
Sa seachtú aois tugadh Inis Sibton dó in Inbhear na Sionainne (Luimnigh), ainneoin gur rugadh é, de réir cosúlachta, i gceantar Dhál gCais mar a raibh paróiste agus seanreilig Chill Mhainchín ag deireadh an 6ú haois é agus gur fuair sé bás sa 7ú haois.
Deirtear gurbh eisean an chéad easpag Luimnigh agus gur bhunaigh sé mainistir san áit ar a ghlaoitear anois Sparr Thumhan. Ach tar éis argóint le taoiseach na háite, bhí air bogadh amach as an gcathair.
Nuair a d’imigh sé 6km siar ó dheas go Mungairit chun mhainistir eile a bhunú, chuir sé mallacht ar an gcathair ionas ná éireodh go deo le na háitreabhaigh ach go mbeadh an rath ag an strainséir amháin.
_-_panoramio.jpg)
Tá iarsmaí mhainistir meánaoiseach fós le feiscint i Mungairit thart ar an sean-reilig.
Tá paróiste Mainchín Naofa suite ar bhruach thuaidh cathair Luimnigh. Deirtear go bhfuil Séipéal Caitliceach Mhainchín suite ar shuíomh shuíomh na seanmhainistreach i Sparr Thuamhan in aice le Carraig an Chonartha agus Droichid Thuamhan.
Is é Coláiste Mhainchín i gCorrbhaile meánscoil deoise Luimnigh.
Ceiliúrtar lá fhéile Mainchín ar an 2ú Eanáir[2] (nó 29 Nollaig le Mícheál Ó Cléirigh nó 3 Eanáir fiú[1]).
Tagairtí
cuir in eagar- ↑ 1.0 1.1 "Naomh Mainchín, Easpag: 3ú Eanáir | Cumann na Sagart". www.cumannnasagart.ie. Dáta rochtana: 2021-01-02.[nasc briste go buan]
- ↑ Martyrologium Romanum 80 (edito altera 2004).