Monte Carlo
Is é an limistéar riaracháin is saibhre i Monacó é Monte Carlo (Ocsatáinis: Montcarles, Monégasque: Monte-Carlu) agus creidtear go hearráideach uaireanta go bhfuil sé ina phríomhchathair, cé nach bhfuil a leithéid ann. Tá clú ar Monte Carlo mar gheall ar a theach cearrbhachais (la Place du Casino), a charasma agus na daoine mór le rá a bhíonn le feiceáil go minic ag siúl a chuid sráideanna.
 Monte Carlo | |||||
|---|---|---|---|---|---|
  | |||||
| Ainmnithe in ómós | Séarlas III, Prionsa Mhonacó agus sliabh | ||||
| Suíomh | |||||
| |||||
| Stát ceannasach | Monacó | ||||
Commune of Monaco (en)  | Común Mhonacó | ||||
| Quarter of Monaco (en) | Monte Carlo (en) | ||||
| Tíreolaíocht | |||||
| Achar dromchla | 0.28146 km² | ||||
| Sonraí stairiúla | |||||
| Cruthú | 1866 | ||||
| Aitheantóir tuairisciúil | |||||
| Cód poist | 98000 | ||||
| Lonnaithe i gcrios ama | |||||
| Cód ISO 3166-2 | MC-MC | ||||
Tá daonra buan timpeall ar 3000 daoine ann. Áirítear na comharsanachtaí Saint Michel, Saint Roman/Tenao, agus an trá-bhaile Larvotto freisin mar chuid den limistéar. Tá an baile Francach Beausoleil (ainm roimhe seo ná Haut-Monte-Carlo) in aice le Monte Carlo. Bunaithe sa bhliain 1866, tá bunús Iodálach leis an ainm 'Monte Carlo'; an bhrí atá leis ná 'Sliabh Shéarlais', i gcuimhne ar an bprionsa Charles III Mhonacó. Tá an sliabh seo ina scairp ag bun na nAlp cois na farraige, áit a bhfuil an baile suite. Tá an chuid is mó den 'Circuit de Monaco' reáchtáilte i Monte Carlo, ina mbíonn rásaíocht Fhoirmle a hAon ar siúl, agus is ósteagraíocht é freisin do chluichí dornálaíochta chraobh an domhain, an 'European Poker Tour Grand Final' agus an 'World Backgammon Championship', agus araile. D'ainneoin a ainm, tionóltar an Monte Carlo Masters (craobhchluiche idirnáisiúnta leadóige) trasna na teorann sa Fhrainc.
Is ceann de phríomhionaid saoire na hEorpa é Monte Carlo, cé go bhfuil an chuid is mó de na háiteanna is mó tóir orthu i gceantracha eile i Monacó, lena n-áirítear Ardeaglais Mhonacó, Iarsmalann Napoleon, an Iarsmalann Aigéaneolaíochta (lena hiasclann) agus Pálás an Phrionsa, iad seo uilig lonnaithe i Monacó-Ville.
Tagairtí
cuir in eagar