Naomh Rómhánach-Bhriotanach is ea Naomh Ursula. Tá 385 AD i measc na mblianta a luaitear san iliomad cuntas ar bheatha Ursula mar bhliain a báis.

Naomh Ursula
Martyrdom of Saint Ursula, by Hans Memling.jpg
Saol
Eolas breithe Corn na Breataine, 4 century
Náisiúntacht An tSean-Róimh
Bás Köln, 383
Muintir
Páistí
Gairm
Féile
21 Deireadh Fómhair

Ceiliúrtar a lá féile ar an 21 Deireadh Fómhair (de réir an Féilire Ginearálta Caitliceach).

"Béarín beag baineann" an chiall atá le Ursula i Laidin ("ours" i bhFraincis inniu).

FinscéalCuir in Eagar

Creideann formhór na staraithe gur finscéal é scéal Naomh Ursula. De réir bhéaloideas na meánaoise[1], seo creatlach scéal Ursula:

Bhí Dionotus ina ar Dumnonia, ríocht in iardheisceart na Breataine. Bhí iníon aige, Ursula. Ar iarratas a hathair, bhí sí geallta do rí pagánach in Armorica (an Bhriotáin sa Fhrainc inniu). Thosaigh sí amach le 11,000 maighdean mar chompánaigh aici. Sheol siad go hArmorica, agus shroich siad an tír úd in aon lá amháin, slán sábháilte. Ach nuair a bhí an Mhór-roinn bainte amach aici, shocraigh Ursula dul ar oilithreacht go dtí an Talamh Naofa. Bhí sé de mhí-ádh orthu casadh ar phágánaigh i gKöln, sa Ghearmáin, agus cuireadh chun báis iad; dícheannaíodh na maighdeanacha go léir; ach mharaigh an taoiseach Hunach Ursula le saighead.

 
Mharaigh an taoiseach Hunach Ursula le saighead (Francesco Ruschi, 17ú haois, Gallerie dell'Accademia, Venice)

SunnivaCuir in Eagar

Tá finscéal Ursula agus scéal Naomh Sunniva cosúil lena chéile ar bhealaí áirithe. Banphrionsa Críostaí Éireannach ba ea Sunniva sa 9ú haois. Scríobhadh an chéad chuntas ar Naomh Ursula, áfach, roimh shaol Sunnifa, agus tá scoláirí amhrasach arbh fhéidir le haon nasc a bheith ann idir an dá scéal.

Na hUrsalaighCuir in Eagar

Tugadh Cuallacht Aingil de Naomh Ursula, nó na hUrsalaigh, ar an mná a bhí ag obair le Naomh Aingeal Merici[2]. Dob iad an chéad chuallacht bean rialta a d’oibrigh taobh amuigh den chlochar iad, agus an chéad ghrúpa bean rialta le múineadh a dhéanamh.

TagairtíCuir in Eagar

  1. "Ursula agus na Mílte a Maraíodh", EAGRÁN 124 · LÚNASA 2011 http://www.beo.ie/alt-ciste-na-bhflaitheas.aspx
  2. Acmhainní do Phobal na Scoile, Seachtain na Scoileanna Caitliceacha, 2009 http://www.catholicbishops.ie/wp-content/uploads/images/stories/features/Catholic_Schools_Week/primary_gaeilge.pdf