Ramakrishna
Ba mhisteach Indiach é Sri Ramakrishna Paramahamsa (Beangáilis: শ্রীরামকৃষ্ণ পরমহংস) a chuaigh i mbun oibre mar mhanach de chuid na Hiondúch sa 19ú haois. Rinneadh naomh dó de thairbhe a chuid gníomhartha mar cheannaire reiligiúnach i mBeangál. Deirtear go raibh taithí aige ar an eacstais ag aois an-óg, agus gur tháinig sé faoi thionchar na dtraidisiún ilchineálach- deabhóid don bhandia Kali, don Tantra, don Bhakti, agus don Avaita Vedanta, ach go háirithe.
| Ramakrishna | |
|---|---|
 | |
| Saol | |
| Eolas breithe | Kamarpukur (en)  , 18 Feabhra 1836 |
| Náisiúntacht | Réimeas Briotanach |
| Bás | Calcúta, 16 Lúnasa 1886 |
| Cúis bháis | bás nádúrtha (ailse laraingeach) |
| Muintir | |
| Athair | Khudiram Chattopadhyay |
| Máthair | Chandramani Devi |
| Céile/Céilí | Sarada Devi (en) (1859 - Lúnasa 16, 1886) |
| Oideachas | |
| Teangacha | Beangáilis |
| Mic léinn | Swami Vivekananda |
| Gairm | |
| Gairm | fealsamh |
| Cleamhnú | |
| Reiligiúin | An Hiondúchas |
Bhain sé cáil amach ag an Teampall Dakshineshwar Kali mar gheall ar an meon mistiúil a léirigh sé, agus de réir a chéile tharraing sé chuige roinnt múinteoirí spioradálta agus ceannairí sóisialta, chomh maith le lucht leanúna mór tuata; arna éirí leis deisceabail a earcú, bunaíodh an tOrd Ramakrishna. Bhí ana-chuid measa ag muintir Bheangál air, go háirithe an scothaicme, agus d'eascair gluaisceacht dá bharr: bhunaigh deisceabal dá chuid, Swami Vivikenanda, an Ramakrishna Math, eagraíocht a chuireann oiliúint spioradálta ar fáil do mhanaigh, agus an Misean Ramakrishna chun déirc, obair shóisialta agus oideachas a sholáthar.