Reichswehr
Ba í Die Reichswehr (go litriúil; 'Cosaint na Ríochta') ainm oifigiúil fhórsaí armtha na Gearmáine le linn Phoblacht Weimar agus chéad bhlianta an Tríú Reich. Tar éis don Ghearmáin a bheith buailte sa Chéad Chogadh Domhanda, díscaoileadh Arm Impiriúil na Gearmáine (Deutsches Heer) chun go n-athmhúnlófaí ina arm don ré shíochána é. Uaidh sin a bunaíodh Die Reichswehr sealadach i Márta 1919. Faoi théarmaí Chonradh Versailles, bhí an tArm Gearmánach atógtha faoi réir teorainneacha tromchúiseacha ó thaobh méide, struchtúir agus armála de. Cruthaíodh Die Reichswehr go hoifigiúil ar an 1 Eanáir 1921, tar éis na teorainneacha a bheith comhlíonta. Choinnigh fórsaí armtha na Gearmáine an t- ainm 'Die Reichswehr' go dtí 1935. Sa bhliain sin foilsíodh forógra de chuid an Rialtais do mhuintir na Gearmáine, maidir le coinscríobh uilíoch a thabhairt isteach ar an 16 Márta 1935. [1] Críochnaíonn an forógra leis an abairt seo ó Adolf Hitler; “In diesem Sinne hat die deutsche Reichsregierung mit dem heutigen Tage das folgende Gesetz beschlossen: Gesetz für den Aufbau der Wehrmacht. Vom 16. März 1935.” (Sa chiall seo, tá an dlí seo a leanas rite ag rialtas na Gearmáine inniu: An dlí maidir le forbairt an Wehrmacht. Ón 16 Márta, 1935).
|
||||||||||||||||||||||||||||||
| Sonraí | ||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Cineál | fórsaí míleata  | |||||||||||||||||||||||||||||
| Stair | ||||||||||||||||||||||||||||||
| Dáta a bunaíodh | 1 Eanáir 1921 | |||||||||||||||||||||||||||||
| Dáta díscaoilte, díothaithe nó scartáilte | Bealtaine 1935 1935 | |||||||||||||||||||||||||||||
| Rud nó duine a tháinig ina áit | Wehrmacht | |||||||||||||||||||||||||||||
| Rialachas corparáideach | ||||||||||||||||||||||||||||||
| Ceanncheathrú | ||||||||||||||||||||||||||||||
| Líon fostaithe | 115,000 | |||||||||||||||||||||||||||||
| Codanna | ||||||||||||||||||||||||||||||
| ||||||||||||||||||||||||||||||
.svg&lang=ga)
Le fógairt an Dlí Mhíleata ar an 21 Bealtaine 1935, baineadh na srianta deireanacha de Chonradh Versailles go foirmiúil, agus fógraíodh tabhairt isteach an choinscríofa uilíoch (ar an 1 Deireadh Fómhair 1935), trínar chomhlíon Hitler an gheallúint a thug sé i mí Feabhra 1933.
Tagairtí
cuir in eagar- ↑ Proklamation der Reichsregierung an das deutsche Volk bezüglich der Einführung der allgemeinen Wehrpflicht. Vom 16. März 1935. Auf: documentarchiv.de. Vgl. Deutsches Reichsgesetzblatt Teil I 1867–1945, S. 375; bei der Österreichischen Nationalbibliothek (ÖNB).