Sacar

spórt foirne

Cineál spóirt é an sacarpeil ina bhfuil dhá fhoireann imreoirí ag ciceáil na liathróide taobh istigh den pháirc imeartha le súil is go n-éireoidh leo í a radadh i gcúl na foirne eile. An fhoireann is mó a scórálfaidh cúil, is léi a bheidh an bua. Tá aon imreoir déag ar aon fhoireann amháin, agus duine acu, an cúl báire, ina sheasamh sa chúl le hé a chosaint ar imreoirí na foirne eile. Is é an cúl báire an t-aon imreoir amháin a bhfuil cead aige lámh a chur ar an liathróid.

Infotaula d'esportSacar
Algérie - Arménie - 20140531 - Yacine Brahimi (Alg) face à Taron Voskanyan (Arm).jpg
Cineál peil agus spórt foirne
Tír dhúchais Ríocht Aontaithe na Breataine Móire agus na hÉireann
Líon íosta imreoirí 7
Líon uasta imreoirí 22
Imreoirí gairimiúla á imirt.
Sa pheil, is é bunchuspóir an lucht leanúna a bhfoireann a spreagadh le linn an chluiche.

Creidtear gurb é an sacar an spórt is coitianta ar fud an domhain. Deir Comhaontas Idirnáisiúnta an tSacair (FIFA) go bhfuil dhá chéad milliún duine ag imirt sacair in dhá chéad tír.

StairCuir in Eagar

Go bunúsach, is seanspórt é an sacar (nó an pheil sa chiall is fairsinge), ach ba iad na Sasanaigh a chuir tús leis an gcluiche nua-aimseartha. Bhí cineálacha éagsúla peile á n-imirt ar fud na tíre, ach theastaigh ó na himreoirí comhrialacha a leagan amach a cheadódh dóibh cluichí a chóiriú eatarthu.

Bailíodh le chéile na rialacha éagsúla a bhí le fáil sna scoileanna sa tír, agus cruthaíodh comhrialacha nua. Tháinig ionadaithe ó na scoileanna poiblí úd Eton, Harrow, Rugby, agus Winchester le chéile i gColáiste na Tríonóide, Cambridge sa bhliain 1848 leis na rialacha a shocrú, ach ní dheachaigh siad in úsáid mórán taobh amuigh de na scoileanna seo.

Sna 1850idí, tháinig a lán clubanna agus cumann ar an bhfód ar fud thíortha an Bhéarla le peil de chineál éigin a imirt, ach níor ghlac mórán acu le rialacha Cambridge. Bhí cumainn thábhachtacha ann a raibh rialacha dá gcuid féin acu, go háirithe club peile Sheffield. Bhunaigh daltaí na scoile poiblí sa bhliain 1857 é, ach ba síol é do chumann sacair Sheffield agus Hallamshire a bunaíodh deich mbliana ina dhiaidh sin. Chloígh an cumann seo le rialacha Sheffield go dtí an bhliain 1878.

Sa bhliain 1862, d'eisigh John Charles Thring ó Scoil Uppingham a rialacha féin, agus chloígh a lán clubanna leis na rialacha seo, freisin.

Bunaíodh an Cumann Peile (Football Association) ar 26 Deireadh Fómhair 1863, é atá ag stiúradh an cluiche fós sa Sasana.

Ar an 16 Márta, 1872 d'imir Wanderers agus Royal Engineers i gcoinne a chéile sa chéad chluiche ceannais do Chorn an FA.

Bunaíodh FIFA i bPáras ar an 21 Bealtaine 1904, agus b'é an Francach Robert Guérin an chéad Uachtarán. Nuair a bunaíodh FIFA, d'aontaigh siad na rialacha Sasanach a úsáid as seo amach.

Cuireadh an chéad Corn Sacair an Domhain ar siúl i 1930 san Uragua. Is é seo an comórtas is mó ar dhomhan fós inniu.

FIFACuir in Eagar

Is é FIFA (Fédération Internationale de Football Association) comhaltas cheannas an sacair. Is é Corn Sacair an Domhain an comórtas is tábhachtach ná agus imrítear é gach ceithre bliana.

UEFACuir in Eagar

Reachtálann Cumann Peile na hAontas Eorpa (nó UEFA) comórtas bliantúil do na clubanna is rathúla san Eoraip. 'Sé ceann do na coirn is clúití é gur féidir a bhaint amach le lucht féachana domhanda do thart ar aon bhilliún duine. Bunaíodh an comórtas sa séasúr 1955/56 mar chomórtas do bhuaiteoirí Sraitheanna Peile na hEorpa faoin teideal Corn na hEorpa, ach ó shéasúr 1992/93, athainmníodh an comórtas go Sraith Peile na hEorpa agus glacann na foirne is fearr san Eoraip páirt ann gach bliain.

Naisc sheachtrachaCuir in Eagar