Seirbhís Oideachais Leanúnaigh agus Scileanna (SOLAS)

Seirbhís Oideachais Leanúnaigh agus Scileanna
Sonraí
Cineál	gníomhaireacht rialtais
Stair
Téann in áit	An Foras Áiseanna Saothair
Suíomh gréasáin	solas.ie

Is é An tSeirbhís Oideachais Leanúnaigh agus Scileanna (SOLAS) an ghníomhaireacht stáit a bhfuil an dualgas air chun earnáil Bhreisoideachais agus Oiliúna a thógáil chun todhchaí na hÉireann a thiomáint chun cinn. Tá athrú ar an earnáil bhreisoideachais á stiúradh ag SOLAS trí chláir a chistiú, a chomhordú agus tacú leo atá dírithe ar riachtanais ár bhfoghlaimeoirí, ár bhfostóirí agus ár sochaí.^[1]

Eagraíocht

Bunaíodh SOLAS ar 27 Deireadh Fómhair 2013. Tá a shainordú leagtha amach san AN tACHT BREISOIDEACHAIS AGUS OILIÚNA, 2013. I measc feidhmeanna eile amhail taighde, faireachán agus comhordú ar sholáthar breisoideachais agus oiliúna, cuireann sé airgead ar aghaidh freisin chuig boird oideachais agus oiliúna agus comhlachtaí eile atá ag gabháil do sholáthar clár breisoideachais agus oiliúna.

FÁS, Muineacháin

Bunaíodh na sé déag bhord oideachais agus oiliúna (BOOanna) ar lánscor na 33 Coiste Gairmoideachais (CGO). Ag thart ar an am céanna díscaoileadh FÁS^[2] freisin, an t-údarás náisiúnta oiliúna agus fostaíochta a bunaíodh i 1987.^[3] Ghlac an Roinn Coimirce Sóisialaí an fhreagracht ó FÁS as Seirbhísí Fostaíochta Pobail agus breis 800 iarfhoireann FÁS. Sa bhliain 2014, tugadh chun críche go rathúil aistriú an iar-Líonra d’Ionaid Oiliúna FAS, a 600+ ball foirne agus áiseanna oiliúna chuig na boird oideachais agus oiliúna nuabhunaithe.

Cuireann BOOanna a fhaigheann cúnamh deontais ó SOLAS thart ar 270,000 áit ar fáil ar 20,000+ cúrsa breisoideachais agus oiliúna in aon bhliain amháin.

Riarann SOLAS córas printíseachta na hÉireann freisin. Foilsíonn SOLAS plean seirbhísí bliantúil ina leagtar amach cad iad na cúrsaí breisoideachais agus oiliúna a chuirfear ar fáil sna sé BOO déag in aon bhliain amháin agus cé mhéad a chosnóidh na cúrsaí sin.

Féach freisin

Oideachas

Tagairtí

↑ Solas. "Oibreacha Foghlama" (ga). Solas. Dáta rochtana: 2022-04-28.
↑ "Foras Áiseanna Saothair" (as en) (2022-01-12). Wikipedia.
↑ Brian Mooney. "If Solas is the new FÁS, can it make a difference?" (en). The Irish Times. Dáta rochtana: 2022-04-28.

[1] Solas. "Oibreacha Foghlama" (ga). Solas. Dáta rochtana: 2022-04-28.

[2] "Foras Áiseanna Saothair" (as en) (2022-01-12). Wikipedia.

[3] Brian Mooney. "If Solas is the new FÁS, can it make a difference?" (en). The Irish Times. Dáta rochtana: 2022-04-28.

[1]

[2]

[3]