An difríocht idir athruithe ar: "Mícheál Breathnach"

Rugadh '''Micheál Breathnach''' (1881-1908) ar an Lochán Beag, i [[Cois Fharraige|gCois Fharraige]] an [[16 Meán Fómhair|16ú Meán Fómhair]] [[1881]]. D’fhreastail sé ar scoil an Chnoic. Is ansin a d’fhoghlaim sé Béarla ar dtús. Bhí sé ina chúntóir sa scoil sin níos deireanaí. Nuair a bhí sé fiche bliain d’aois, fuair sé post mar Rúnaí ar Chraobh Londain de [[Conradh na Gaeilge|Chonradh na Gaeilge]]. Scríobh sé aistí do [[An Claidheamh Solais]]. Foilsíodh ‘Cuan na Mara agus a Mhuintir’ in Irisleabhar na [[Gaeilge]]. Bhí duais Oireachtais bainte amach ag an aiste sin i 1903. Ceithre bliana a chaith sé i [[Londain]], áit a raibh sé gnóthach in imeachtaí an Chonartha.

Thugadh sé ranganna Gaeilge i Londain. Ar Londain a fhágáil dó, fuair sé post mar Ard-Ollamh i gColáiste Chonnacht, i dTuard[[Tuar Mhic Éadaigh]], Maigh[[Co. Mhaigh Eo]]. Chuir sé aithne ar [[Colm Ó Gaora|Cholm Ó Gaora]], a bhí ina mhúinteoir taistil le Conradh na Gaeilge ag an am. Ní raibh an tsláinte go maith faoin tráth seo aige. Bhí an eitinn tolgtha aige.

Bhiodh sé ag triall ar an [[Eilbhéis]] ar mhaithe lena shláinte, agus rinne sé cur síos ar an tír sin ina chuid aistí, a foilsíodh in An Claidheamh Solais, agus a foilsíodh ina dhiaidh sin faoin teideal ‘Seilg i measc na nAlp’. D'fhoilsigh Conradh na Gaeilge ‘Stair na hÉireann’, i 1906. Ní raibh aon fheabhas ar a shláinte i 1908, agus bhí air cur faoi i dteach altranais, i mBailem[[Baile Átha Cliath]]. Fuair sé bás ansin i nDeireadh Fómhair na bliana 1908.

Ta sé curtha i reilig an Chnoic, ina cheantar dúchais. Sheinn [[Éamon Ceant]] ar a shochraid. Sa mbliain 1980, chuir [[Seosamh Ó Braonáin]] leagan nua de ‘Seilg i measc na nAlp’ amach sa litriú caighdeánach. Bhí clár cuimhneacháin ar [[Raidió na Gaeltachta]], sa mbliain 1981, céad bliain tar éis a bhreithe.