An difríocht idir athruithe ar: "Sióg"

'''Sióg''' a thugtar ar dhuine den lucht sí. Bíonn riocht duine ar shióga de ghnáth, cé go bhfuil difríochtaí suntasacha idir an dá chine, agus tá na cineálacha sióige éagsúil lena chéile freisin. I gcontrárthacht leis an smaoineamh nua-aimseartha Béarla, ní daoine beaga agus sciatháin orthu iad na sióga ar fad, de réir thraidisiún na hÉireann; tá cuid de na sióga, cuir i gcás na fir dhearga, níos mó ná méid duine, agus tá sióga eile, ar nós na mban sí, ar mhéid duine normálta. De réir an tseanchais, síolraíonn cuid mhaith de na sióga ó Thuatha Dé Danann (féach [[Tuatha Dé Danann]]), a dibríodh go dtí liosanna, ráthanna agus cnoic na hÉireann nuar a maidhmeadh orthu sa gcogadh in aghaidh Lucht Mhíl Easpáine (féach [[Míl Easpáine]]), óna síolraíonn Gaeil an lae inniu. De réir scéalta eile, is aingil iad a thit go talamh ó na Flaithis toisc nach raibh siad sách maith chun fanacht ar neamh agus nach raibh siad sách olc chun dul go hifreann.

 

Is iad seo a leanas na príomhchineálacha sióige in Éirinn: [[bean sí]], [[púca]], [[leipreachán]], [[fear dearg]], [[maighdean mhara]].