An difríocht idir athruithe ar: "Teangacha Tungusacha"

[[Fine teangacha]] iad na '''teangacha Tungúsacha''' agus iad á labhairt sa [[An Mhanchúir|Mhanchúir]] agus in oirthear na [[An tSibéir|Sibéire]]. De réir teoiricí áirithe, is cuid de na teangacha Altaecha iad, ach le fírinne, is iomaí [[teangeolaíocht|teangeolaí]] a shíleann inniu nach bhfuil a leithéid d'fhine teangacha ann ar aon nós agus na teangacha Altaecha; thairis sin, is deacair teacht ar bheirt theangeolaithe a bheadh ar aon fhocal faoi na [[teanga (cumarsáid)|teangacha]] ba chóir a rangú san fhine "Altaech". Mar sin, is fearr dearcadh ar na teangacha Tungúsacha mar fhine neamhspleách.

* an chraobh thuaisceartach: an teanga Evenki (an [[Tungúisis]] sa chiall chúng), an teanga Even (nó an Lamúitis), an teanga Oroqen (a labhraítear i gCúige Heilongjiang sa [[An tSín|tSín]]), an teanga Negidal (i gCian-Oirthear na Rúise). Tá canúintí eile fós, ar deacair a rá fúthu cé acu teangacha neamhspleácha nó canúint´´i de chuid na dteangacha Evenki, Even, Oroqen nó Negidal iad.

* an chraobh dheisceartach, agus í féin roinnte ina dhá fochraobh, mar atá, na teangacha Tungúsacha Oir-Dheisceartacha agus na teangacha Tungúsacha Iar-Dheisceartacha (nó na teangacha Manchúracha). Is í an teanga Nanai (nó Goldi) an ceann is tábhachtaí san fhochraobh Oir-Dheisceartach. Maidir leis an gcraobh eile, is iad an teanga Jurchen (an tsean-Mhanchúiris), an Mhanchúiris (Chlasaiceach) agus an teanga Sibo nó [[Xibe]] na teangacha is tábhachtaí inti.

Sa bhliain 1923, d'fhoilsigh an taiscéalaí [[An Rúis|Rúiseach]] Vladimir Arsenyev leabhar faoin gcaidreamh a bhí aige le Dersu Uzala, sealgaire Tungúsach (is dócha gurb í an teanga Nanai a bhí ó dhúchas aige) a bhí ina threoraí ag Arsenyev agus a fhoireann sna blianta 1902-1907. Bhí Dersu Uzala eolach ar bhealaí na coille, mar ba dual dó, agus is iomaí uair a tháinig sé chun tarrthála d'Arsenyev sa chruachás. Níor fhág Arsenyev fuíoll molta ar Dersu sa leabhar, buíoch beannachtach mar a bhí sé. Ar an drochuair, ní raibh sé i ndán do Dersu féin na focail mholta a chloisteáil, nó fuair sé bás sa bhliain 1908.