Státaire agus fear míleata ón [[An tSualainn|tSualainn]] a bhí i b'''Peadar Óg Brahe''' (rugadh é i gCaisleán Rydboholm i Rydbo, inniu: [[Österåker]], ar an [[18 Feabhra]] [[1602]], agus shíothlaigh sé ar an [[122 Meán Fómhair]] [[1680]] i gCaisleán Bogesund i [[Vaxholm]]),<ref>''The Encyclopaedia Britannica: A Dictionary of Arts, Sciences, Literature and General Information'' - 11ú eagráin</ref> [[Sualainnis]]: ''Per Brahe'', [[Fionlainnis]]: ''Pietari Brahe'', agus é ina Ghobharnóir Ginearálta ar an [[An Fhionlainn|bhFionlainn]] sa [[17ú haois|tseachtú haois déag]]. Tá clú agus cáil ar Brahe san Fhionlainn inniu féin toisc go ndearna sé an-fhorbairt ar shaol agus ar shochaí na tíre lena lá. Is é an duine is óige den dá Pheadar Brahe a aithnítear i stair na Sualainne, nó bhí an t-ainm céanna ar a athair mór, sean-Pheadar Brahe, ina chomhairleoir pearsanta ag an Rí Gustaf Wasa. Maidir le Peadar Óg, bhí seisean mór leis an rí [[Gustaf II Adolph]].
