An difríocht idir athruithe ar: "Fosfar"

Is é an '''fosfar''' [[dúil cheimiceach]] uimhir a cúig déag.. Tá sé 30.973762 g/mol ar mheáchan adamhach, agus is é '''P''' an tsiombailt[[siombail cheimiceach]]. Neamh-mhiotal é an fosfar a bhfuil a lán allatróp éagsúil aige. Bíonn an fosfar coitianta go leor sa dúlra, ós fosfáití iad a lán cineálacha cloiche. Tugtar fosfaracht nó fosfaraíocht ar an méarnáil a thagann i substaintí áirithe agus iad tar éis [[solas]] nó radaíocht a shú isteach, ach le fírinne, ní fosfaracht den chineál seo atá i gceist le méarnáil an fhosfair bháin, ach ceimealonracht. Is é sin, tá imoibriú ceimiceach ar siúl idir an fosfar agus [[ocsaigin]] an aeir, agus is é an t-imoibriú sin is cúis leis an loinnir.

Amach ón bhfosfar bán, tá roinnt allatróp eile ag an dúil seo. Tá an fosfar bán comhdhéanta as móilíní[[móilín]]í ceithre adamh, P₄, agus is iad na móilíní seo atá le fáil san fhosfar ghásaithe chomh maith, ach titfidh siad as a chéile go móilíní dé-adamhacha P₂. Nimh atá san fhosfar bhán, ós rud é go bhfuil sé an-araiciseach chun imoibriú a dhéanamh. Maidir leis an bhfosfar dearg, tá sé comhdhéanta as slabhraí fada polaiméireacha. Is féidir fosfar dearg a fháil tríd an bhfosfar bán a théamh suas go 250 °C. Ar dtús, gheofar fosfar dearg [[Solad dímhorfach|dímhorfach]], ach ansin, má choinnítear ag téamh an fhosfair, tiocfaidh struchtúr criostalach ann.