An difríocht idir athruithe ar: "Catalú"

Géarú nó moilliú imoibrithe cheimicigh trí ghníomhaíocht ábhair (an [[catalaíoch]]) a fhaightear ar ais gan athrú ag deireadh an imoibrithe. Tá fíorthábhacht leis an ngníomhaíocht seo sa [[Ceimic|cheimic]] is an [[Bitheolaíocht|bhitheolaíocht]] chun imoibrithe a ghéarú a rachadh rómhall ar chaoi eile, fiú is iad fabhrach ó thaobh fuinnimh de. I measc na gcatalaíoch tábhachtach, tá iarann i b[[próiseas Haber-Bosch]] chun [[amóinia]] a tháirgeadh ó [[nítrigin]] an aeir, agus [[clóraifill]] a bhrostú sa [[Fótaisintéis|bhfótaisintéis]] a thógann [[dé-ocsaíd charbóin]] ón aer chun [[Hidreacarbón|hidreacarbóin]] choimpléascacha a chruthú i bplandaí. Nuair a tharlaíonn catalú taobh istigh de phas amháin, mar a tharlódh i [[Tuaslagán|dtuaslagán]], tugtar ''catalú aonchineálach'' air. Catalú ilchineálach a tharlaíonn nuair a bhíonn níos mó ná pas amháin i gceist.