Úsáid mhídhleathach drugaí in Éirinn
Shamhlóinn gur beag duine in Éirinn nach bhfuil cur amach pearsanta de shaghas éigin acu ar na fadhbanna a bhaineann le mí-úsáid drugaí agus alcóil, agus úsáid mhídhleathach drugaí.[1] Dar le daoine áirithe, tá an tír ag cur thar maoil le drugaí aindleathacha agus tá na húdaráis ag streachailt sa troid i gcoinne mí-úsáid drugaí.
Staitisticí
cuir in eagarTháinig méadú mór ar líon na ndaoine a fuair bás de bharr drugaí idir 2010-2020 – 218 ó thuaidh[4] agus 409 ó dheas[5] sa bhliain 2020, daoine óga a bhformhór. Bhásaigh 397 eile ó dheas de bharr cúiseanna eile a bhain le drugaí (crochadh, taomanna croí srl). Tá meabhairghalar agus ganntanas seirbhísí meabhairshláinte fite fuaite le úsáid mhídhleathach drugaí go minic.[6]
Margadh
cuir in eagarMeastar gur margadh mór í Éire ag buíonta coirpeach eagraithe ó Mheiriceá Theas agus ón Áise. Deir na Gardaí gur daoine bochta ó na háiteanna sin is mó a thugann na drugaí isteach in Éirinn. Airgead suarach a íoctar leo den chuid is mó – míle euro, cuir i gcás – cé gur minic suas le €100,000 de chócaon a bheith ar iompar acu.
Is iondúil freisin gur taobh istigh dá gcolainn a bhíonn an cócaon i bhfolach acu, suas le 100 capsúl in amanna. Mar le cannabas, is i málaí taistil is mó a bhíonn sé i bhfolach, suas le luach €350,000 de go minic.[7]
Polasaithe in Éirinn
cuir in eagarSa bhliain 2012 mhol an uile pháirtí ar Chomhairle Chathair Átha Cliath go mbunófaí lárionaid sa chathair ina gceadófaí féin-instealladh drugaí faoi mhaoirseacht foireann leighis. Ach chuir daoine sa cheantar ina gcoinne.[8] Ní raibh aon lárionad fós ar oscailt i dtús 2024.[9] Níl bunú ionaid den sórt céanna beartaithe fós i gCorcaigh ná in aon áit eile. Tugann an córas daonlathach in Éirinn deis arís agus arís eile do pholaiteoirí agus do vótálaithe moill a chur ar chabhair do dhaoine atá i gcruachás.
Fógraíodh polasaí cuimsitheach sláinte in 2019. Ach níl an polasaí curtha i bhfeidhm fós (in 2024) "mar gheall ar chúrsaí dlí" is cosúil.
Bunaíodh tionól saoránach chun drugaí a phlé sa bhliain 2023[10] agus foilsíodh an tuairisc in 2024 (Iml 1, Iml 2). Mhol an Tionól nach dtabharfaí daoine a mbeirtear orthu agus drugaí mídhleathacha ina seilbh os comhair cúirte feasta ach go gcuirfí seirbhísí leighis ar fáil dóibh. Tá polasaí dá leithéid i bhfeidhm cheana féin sa Phortaingéil agus san Ostair. Vótáil an Tionól (le móramh aon vóta) nár chóir an dlí, a deir go bhfuil seilbh channabais mídhleathach, a athrú.[8]
Féach freisin
cuir in eagarNaisc sheachtracha
cuir in eagar- An Tionól Saoránach (2024: Iml 1, Iml 2).
Tagairtí
cuir in eagar- ↑ "Scríbhneoireacht Chruthaitheach 09 – ‘Fadhb na ndrugaí agus an alcóil’ (Cartlann)" (ga-IE). Tuairisc.ie (2017-04-03). Dáta rochtana: 2024-01-27.
- ↑ "Nirvana owner's bizarre rant after blaze at store" (en). Irish Independent (2010-03-19). Dáta rochtana: 2024-09-15.
- ↑ "Man who set Capel Street head shop ablaze has jail term cut" (en). The Irish Times. Dáta rochtana: 2024-01-27.
- ↑ Drug Deaths Taskforce NI, October 2023 / drugsandalcohol.ie (2023). "Drug Overdoses and Drug Related Deaths in NI". Dáta rochtana: 2024.
- ↑ HRB Research Library / .drugsandalcohol.ie (2023). "Drug Deaths". Dáta rochtana: 2024.
- ↑ Póilín Ní Chiaráin (22 Meitheamh 2022). "Tragóid ar shráideanna Bhéal Feirste – seisear ógfhear básaithe le coicís" (ga-IE). Tuairisc.ie. Dáta rochtana: 2024-01-27.
- ↑ Nuacht RTÉ (2024-09-13). "'Margadh mór drugaí anois í Éire ag gáinneálaithe idirnáisiúnta'" (as ga-IE).
- ↑ 8.0 8.1 Cathal Mac Coille (27 Eanáir 2024). "Ár bpolasaí drugaí – is fada, léanmhar agus náireach an scéal é" (ga-IE). Tuairisc.ie. Dáta rochtana: 2024-01-27.
- ↑ "Medically supervised drug injection facility to open in Dublin" (en). The Irish Times. Dáta rochtana: 2024-01-27.
- ↑ An Tionól Saoránach (2023). "Assembly on Drugs Use" (en-iE). Citizens' Assembly. Dáta rochtana: 2023-04-29.