Is tionscadal beathaisnéisí Gaeilge ar líne é Ainm.ie atá á fhorbairt ag Fiontar, Ollscoil Chathair Bhaile Átha Cliath ón mbliain 2009 i leith. Is mórshaothar léinn é seo a chuimsíonn breis is 1,800 beatha (in 2023) ón mbliain 1560 ar aghaidh (beathaisnéis fir atá i gceist le 90% de na beathaisnéisí atá ar an suíomh in 2023). Tá 1.3 milliún focal i gcló sa bhunsaothar.[1][2]

Bosca Sonraí Suíomh GréasáinAinm.ie
URLhttps://www.ainm.ie Cuir in eagar ar Wikidata
Cineálsuíomh gréasáin agus foclóir beathaisnéiseach Cuir in eagar ar Wikidata
PríomhábharMuintir na hÉireann Cuir in eagar ar Wikidata
Teangaan Ghaeilge Cuir in eagar ar Wikidata
Iontráil i seirbhís1 Samhain 2011 Cuir in eagar ar Wikidata
TírÉire Cuir in eagar ar Wikidata

Stair cuir in eagar

Tá ainm.ie bunaithe ar taighde a rinne Diarmuid Breathnach (nach maireann) agus Máire Ní Mhurchú, bunúdair na sraithe '"Beathaisnéis" a d’fhoilsigh An Clóchomhar i naoi n-imleabhar (19862007), saothar a áirítear ar cheann de shárshaothair taighde na Gaeilge. Bhí fúthu dúshlán an Dictionary of Irish Biography a thabhairt maidir le beathaisnéisí na nGael.

Tháinig Beathaisnéis a hAon[3] amach sa bhliain 1986, agus an leabhar deireanach sa sraith, Beathaisnéis a Naoi,[4] in 2007. Ba mhinic go dtí sin gurbh é inseacht an Bhéarla agus na mBéarlóirí a rinneadh ar stair na tíre agus ar na daoine a bhí lárnach sa stair sin. Ach chúitigh Beathaisnéis an fhaillí sin. Tá na beathaisnéisí go léir le fáil ar an suíomh ainm.ie inniu.

Thug an Roinn Gnóthaí Pobail, Comhionannais agus Gaeltachta maoiniú do dhigitiú an ábhair, a bhí ina céim thosaigh de chuid an tionscadail ainm.ie

Saoráidí ar an suíomh cuir in eagar

  • Liosta aibítreach na mbeathaí
  • Córas cuimsitheach crostagartha idir na hailt éagsúla
  • Cuardach lántéacs sofaisticiúil ar eochairfhocail agus ar fhrásaí
  • Amlíne
  • Gnéithe saoil (eagraíochtaí, saothair, logainmneacha, tarlúintí, gradaim is mar sin de.)
  • Beatha roghnaithe na seachtaine

Dar le muintir an tsuímh, cuirfear beathaí nua leis an suíomh de réir mar a chuirfear ar fáil iad agus déanfar seanbheathaí a nuashonrú de réir mar a thiocfaidh fianaise nua chun solais. Cuirfear leis na saoráidí cuardaigh agus brabhsála ar an suíomh ar bhonn leanúnach.

Conspóid cuir in eagar

Dúirt Fiontar in 2019 go raibh ganntanas ban ar an mbunachar ach go raibh líon na mbeathaisnéisí faoi mhná a bhí ar an suíomh “ag dul in airde, más go mall féin é.” Cé go bhfuil ardú tagtha ar líon na mbeathaisnéisí faoi mhná ar an suíomh in imeacht 2019-2023, fágann an t-ardú atá tagtha ar líon na mbeathaisnéisí faoi fhir nach bhfuil aon ardú suntasach tagtha ar chéatadán na mban ar Ainm.ie.[5]

Féach freisin cuir in eagar

Tagairtí cuir in eagar

  1. Is é sprioc an tionscadail rochtain éasca ar an taisce eolais seo a dheimhniú trí dhigitiú an ábhair bhunaidh agus é a fhoilsiú ar líne.
  2. Seoladh an t-iomlán ar an suíomh poiblí Ainm.ie sa bhliain 2011.
  3. Diarmuid Breathnach, Máire Ní Mhurchú. "1882-1982: Beathaisnéis a hAon". Baile Átha Cliath: An Clóchomhar, 1986. 
  4. "Beathaisnéis a Naoi | Litríocht" (en-GB). Dáta rochtana: 2023-11-18.
  5. Maitiú Ó Coimín (2023-05-24). "Gan aon athrú ar chéatadán na mban ar Ainm.ie tar éis ceithre bliana" (ga-IE). Dáta rochtana: 2023-06-05.

Naisc sheachtracha cuir in eagar