Is ardeaglais Anglacánach suite sa London Borough of Southwark í Ardeaglais Southwark., nó Eaglais an tSlánaí Naoimh agus Naomh Mary Overie mar atá a lánainm. Is Mary Overie a thosaigh an eaglais seo sa 7ú céad, agus rámhaíodh a athair, John Overie, a bhí ina bhádóir thar Abhainn na Tamaise, daoine ón bhruach thuaidh go dtí an bruach theas go mbídís in ann adhartha ansin. Athógadh í ar dhá uair ina dhiaidh: Naomh Swithun, Easpag Winchester, a athóg í idir 853 agus 862, agus canónaí Augustineach arís sa 12ú céad. Mhair sí mar eaglais pharóiste go dtí deireadh an 18ú chéad.[1]
Milleadh codanna den áras le linn athógtha Dhroichead Londan i 1830; ach, cé gur chuir an ailtire Gotach cáiliúil A. W. N. Pugin cur síos ar a chorp mar "an áit soiscéalaithe is suaraí a náirigh riamh an 19ú céad", mhair an eaglais go dtí an lá atá inniu; í ag éirí ina hardeaglais i 1905. Laistigh di, tá uaigh John Gower, a fuair bás i 1408 agus ar a ndéantar go minic cur síos mar 'céad fhile an Bhéarla', toisc gur scríobh se as Béarla in áit na Fraincise nó na Laidine, sa tráth sin an dá teanga 'mhúinte' i Sasana. Tá freisin uaigh Edmund Shakespeare, deartháir William Shakespeare a fuair bás i 1603, san eaglais, agus is féidir gur fhreastail William Shakespeare féin freisin ar sheirbhísí na heaglaise.[1]
