Benny Lewis
Duine Éireannach ilteangach a labhraíonn agus a scríobhann faoi fhoghlaimeoireacht na dteangacha atá in Brendan Richard “Benny” Lewis (Gaeilge: Breandán Ó Laobhais). Leasainm a thugtar air go minic ná “the Irish Polyglot’’ nó “an Gael Ilteangach” (ní fhéadfaí “Gael na seacht dteangacha” a thabhairt air mar tá breis is deich gcinn aige). Rugadh agus tógadh sa Chabhán é.[1]
| Beathaisnéis | |
|---|---|
| Breith | Éire  |
| Gníomhaíocht | |
| Gairm | teangeolaí |
| Suíomh gréasáin | fluentin3months.com |
D’oileadh san innealtóireacht leictreonach é agus chaith sé tamall ag obair sa Spáinn agus i bPáras na Fraince. Thosaigh sé ag taisteal ansin i gcéin agus i gcóngar. Rinne sé obair aistriúchán ón bhFraincis agus a lán oibre eile lena chuid a shaothrú.
Ag obair sa Spáinn dó, chaith sé sé mhí ag iarraidh Spáinnis a fhoghlaim, ach chuir na gnáthmhodhanna foghlamtha frustrachas air. D’fhorbair sé cur chuige nua bunaithe ar labhairt an dara teanga go luath sa phróiseas foghlamtha. Míníonn sé conas a dhéantar é sin ag a shuíomh idirghréasáin agus ina leabhar sin aige, Fluent in 3 Months.[2] Thug sé léacht TEDx faoi dhó faoin ábhar céanna. “Taistealaí na bliana” a bhaist National Geographic air i 2013.[3]
Tagairtí cuir in eagar
- ↑ "An Gael Ilteangach", agallamh le Benny Lewis a rinne Seosamh Mac Muirí, Beo, eagrán 138, Deireadh Fómhair 2012. Dáta rochtana, 22 Iúil 2015
- ↑ Lewis, Benny (2014-03-11). Fluent in 3 Months. HarperCollins Publishers. ISBN 978-0-00-755675-5.
- ↑ Stone, George W. (4 October 2013). "Traveler of the Year: Benny Lewis". National Geographic. Dáta rochtana: 15 Lúnasa 2022. Lewis is a self-described 'language hacker'...