Cinsireacht scannán in Éirinn

Thosaigh cinsireacht scannán in Éirinn sa bhliain 1923, nuair a ritheadh an tAcht um Scrúdóireacht Scannán, 1923 sa Phoblacht. Is féidir i gcónaí srian a chur ar scannáin (agus leabhair, irisleabhair, nuachtáin, ábhar ar líne agus foirmeacha eile d’ollchumarsáid) a thoirmeasc má tá siad do-ghlactha, maslach nó graosta nó is dóchúil go spreagfaidh an t-ábhar fuath nó foréigean.

Shínigh James Montgomery an deimhniú seo, a cheann deireanach

Litir a sheol Oifig an Chinsire in 1962 chuig 20th Century Fox ach postas mí-cheart uirthi

1999 "The World is not Enough"

Stair

Bunaíodh Oifig an Chinsire agus an Bord Achomhairc Aicmithe Scannán i ndiaidh gur ritheadh an tAcht um Scrúdóireacht Scannán, 1923.

Cuireadh le ról Oifig an Chinsire le DVDanna agus físeáin a chur san áireamh i ndiaidh gur ritheadh an tAcht um Fhístaifeadtaí, 1989.

Inniu

Sa bhliain 2008, athainmníodh Oifig Cinsire na hÉireann mar Oifig Aicmithe Scannán na hÉireann (OASÉ). Inniu tá OASÉ freagrach as gach scannán, DVD agus físeán a dheimhniú a bheartaítear a dháileadh ar an bpobal.

Cuireann an OASÉ treoirlínte ar fáil ar aoisghrúpa cuí do scannáin – agus bronnann sé deimhniú idir G (ginearálta) agus 18 (duine fásta) ar scannáin. Caithfear cóip de dheimhniú an OASÉ a thaispeáint ar feadh ar a laghad 10 soicind sula dtaispeántar scannán. Amharcann an OASÉ ar fhógraíocht agus faomhann sé í a thaispeántar i bpictiúrlann le scannán a chur chun cinn, lena chinntiú go bhfuil sí cuí don deimhniú.

Is féidir scannán a dheimhniú amhail bheith mí-oiriúnach le hamharc air mar gheall go gcinneann OASÉ :

• Is dóchúil go ndéanfaidh sé díobháil do leanaí
• Tá sé míchuí, graosta nó diamhaslach
• B’fhéidir go dtiocfadh amharc air salach ar mhoráltacht phoiblí

Anuas ar scannán a thoirmeasc, is féidir leis an OASÉ cinneadh a dhéanamh gur gá codanna de scannán a bhaint sular féidir é a dheimhniú amhail bheith oiriúnach le hamharc air. Ach ní tharlaíonn sé sin go minic inniu.

Féach freisin

• Cinsireacht leabhar in Éirinn