Copperas Cove, Texas
Is é Copperas Cove an chathair is mó i gContae Coryell, Texas. Bhí 32,032 duine ina gcónaí in Copperas Cove sa bhliain 2010. Bunaíodh “Cove” (mar a thugtar go coitianta air) mar limistéar beag rainseoireachta agus feirmeoireachta in 1879 i réigiún na gCúig Chnoc. Tá an geilleagar ag brath go mór ar Fort Hood.
 Copperas Cove, Texas | |||||
|---|---|---|---|---|---|
  | |||||
| Mana | «The City Built for Family Living» | ||||
| Leasainm | City of Five Hills | ||||
| Suíomh | |||||
| |||||
| Stát ceannasach | Stáit Aontaithe Mheiriceá | ||||
| Stát sna Stáit Aontaithe | Texas | ||||
County of Texas (en)  | Contae Coryell | ||||
| Príomhchathair | Contae Coryell, Contae Bell agus Contae Lampasas | ||||
| Daonra | |||||
| Iomlán | 36,670 (2020) | ||||
| • Dlús | 784.97 hab./km² | ||||
| Líon na dteaghlach | 12,632 (2020) | ||||
| Tíreolaíocht | |||||
| Achar dromchla | 46.715107 km² | ||||
| • Uisce | 0.0055 % | ||||
| Airde | 333 m-1,093 ft | ||||
| Sonraí stairiúla | |||||
| 25 Márta 1879 1913 | |||||
| Eagraíocht pholaitiúil | |||||
| Córas rialtais | comhairle agus city manager (en) | ||||
| Aitheantóir tuairisciúil | |||||
| Cód poist | 76522 | ||||
| Lonnaithe i gcrios ama | |||||
| Glaochód | 254 | ||||
| Eile | |||||
| Suíomh gréasáin | copperascovetx.gov | ||||
Stair
cuir in eagarRinneadh na chéad iarsmaí daonna sna Cúig Chnoc chomh fada siar le 4,000 RCh ar a laghad. Fuarthas cnámha, reanna saighde agus uirlisí cloiche i leapacha abhann agus i dtóin na ngleannta. Bhí sealgairí fáin ina gcónaí ann agus iad ag leanúint na mbuabhall. Bhí na Tonkawa, treibh bheag, ann nuair a tháinig na Spáinnigh chun Texas, agus bhí na Comanche, treibh mhór fhoghach, le fáil i limistéar an-mhór thuaidh agus thiar. Chuaigh siad i ngleic leis na chéad lonnaitheoirí Eorpacha a tháinig ann.
In 1825 bhronn Meicsiceo limistéar mór ar Stephen F. Austin agus na Cúig Chnoc mar chuid de. Tháinig na chéad lonnaitheoirí ó na 1830idí amach, ach bhí lonnaíocht mhí-shocair ann go dtí tar éis Chogadh Cathartha na Stát Aontaithe. Ní raibh mórán ann nó gur tháinig tionscal an eallaigh chun cinn sna 1870idí.
Tugadh spreagadh do Copperas Cove nuair a shroich an t-iarnród í in 1882. Bhí 600 duine ann faoi 1929 ach d’fhág an Spealadh Mór in ísle brí é. Sna 1930idí chlis an banc agus a lán siopaí agus d’imigh daoine ar lorg oibre.
In 1942 cuireadh Fort Hood ar bun in aice le Copperas Cove. Thug saighdiúirí a dteaghlaigh leo agus d’fhan a lán acu ann. Is iomaí gnólacht atá ag freastal orthu anois.[1]
Timpeallacht
cuir in eagarTá Copperas Cove suite ar mhachaire aolchloiche i lár Texas. Samhradh te agus geimhreadh fionnuar a bhíonn ann, agus titeann báisteach san Earrach.
Barrithir thanaí bhriosc is mó atá ann agus í in ann mórán plandaí talmhaíocha a chothú, ach is furasta í a ídiú agus a chreimeadh. Bhíodh féar ard dúchasach ag fás ann agus é á ithe ag buabhaill, ag fianna agus ag an antalóp Meiriceánach (“pronghorn” - Antilocapra americana). De thoradh ró-innilte, glanadh talún agus bacadh tinte tháinig fiaile ionrach ina áit, mórán, in éineacht le crainn righne, leithéidí crainn darach, aiteal peann luaidhe agus méiscít.[1]
Tá an chuma bhruachbhailteach chéanna ar Copperas Cove is atá ar a lán bailte beaga a tháinig chun cinn i ndiaidh an Dara Cogadh Domhanda. Tá an chuid is mó de na gnólachtaí le fáil feadh Bhóthar Mór 190 (U.S. Highway 190). Níl an oiread sin feirmeoirí agus rainseoirí fágtha san áit anois agus ní deacair talamh a fháil chun foirgnimh a thógáil.
Cúrsaí pobail
cuir in eagarLimistéar coimeádach atá ann i gcúrsaí polaitíochta agus vótálann formhór mór an phobail ar son an Pháirtí Phoblachtánaigh i dtoghcháin stáit agus fheidearálacha.
Tá Central Texas College (CTC), coláiste sóisearach, suite taobh thoir de Copperas Cove in Killeen. Bronnann sé céimeanna dhá bhliain in eolaíocht ríomhaireachta, altramacht, iriseoireacht agus eile. Téann sé i bpáirt le Texas A&M-Central Texas, ollscoil a bhronnann céimeanna BA ceithre bliana agus a lán céimeanna máistreachta.[2]
Nótaí
cuir in eagar- ↑ 1.0 1.1 McLaughlin, Patrick D. and Jerry K. Smith. Copperas Cove, City of Five Hills: A Centennial History. Burnet, TX: Eakin Press, 1980.
- ↑ "Cóip cartlainne". Cartlannaíodh an bunleathanach ar 2010-01-18. Dáta rochtana: 2020-03-19.