Dúil Ghrúpa 7

Is éard atá i nDúl Ghrúpa 7, arna uimhriú ag ainmníocht AIGCF, ná grúpa dúl sa tábla peiriadach. Seo a leanas iad; mangainéis (Mn), teicnéitiam (Tc), réiniam (Re), agus bóiriam (Bh). Is miotail thrasdultacha iad na dúile uilig sa ghrúpa 7.

Cosúil le grúpaí eile, taispeánann baill an teaghlaigh seo patrúin ina gcumraíochtí leictreon, go háirithe sna leictreonscealla is seachtraí as a dtagann treochtaí in iompar ceimiceach.

Ceimic

Z.	Eilimint	Líon na leictreon / an leictreonsceall
25	mangainéise	2, 8, 13, 2
43	teicnéitiam	2, 8, 18, 13, 2
75	réiniam	2, 8, 18, 32, 13, 2
107	bóiriam	2, 8, 18, 32, 32, 13, 2

Ní raibh bóiriam aonraithe i bhfoirm íon.

Stair

Thángthas ar mangainéis i bhfad níos luaithe ná na dúile eile de Ghrúpa 7 mar gheall ar a raidhse i bhfad níos mó sa nádúr. Cé go gcuirtear síos do Johan Gottlieb Gahn gurb é a d'aonraigh an mhangainéise ar dtús sa bhliain 1774, thuairiscigh Ignatius Kaim gur tháirg sé mangainéis ina thráchtas sa bhliain 1771.

I nGrúpa 7 tá an dá mhiotail trasdultacha a tharlaíonn go nádúrtha agus a haimsíodh is deireanaí: teicnéitiam agus réiniam . nGrúpa 7. Thángthas ar Rhenium nuair a d'aimsigh Masataka Ogawa an rud a cheap sé a bhí mar dúil 43 i tóiriainít, ach níor ghlacadh leis;tugann staidéir le déanaí le HK Yoshihara le fios gur aimsigh sé réiniam ina áit, fíric nár tuigeadh ag an am. Ba iad Walter Noddack, Otto Berg, agus Ida Tacke an chéad duine a d’aithin réiniam go cinntitheach; ceapadh gur aimsigh siad dúil 43 freisin, ach toisc nach bhféadfaí an turgnamh a mhacasamhlú, díbheadh é. D'aimsigh Carlo Perrier agus Emilio Segré teicnéitiam go foirmiúil i mí na Nollag 1936, b'iad a d'aimsigh teicnéitiam -95 agus teicnéitiam -97 . Thángthas ar bhóiriam i 198, ag foireann faoi stiúir Peter Armbruster agus Gottfried Münzenburg trí biosmat -209 a thuargaint le Cróimiam-54 .