Fear Dorcha Ó Mealláin
Is dócha gur shagart é Fear Dorcha Ó Mealláin agus gurbh ó Chontae an Dúin é. B'fhile é, ach níl ach aon dán amháin againn óna láimh. É ag scríobh le linn Chromail.
| Gníomhaíocht | |
|---|---|
| Gairm | file  |
| Teangacha | An Ghaeilge |
| Ord crábhaidh | Proinsiasaigh |
Mí Lúnasa na bliana 1652 d'ordaigh Parlaimint Shasana do gach Caitliceach agus do mhórán Ríogaithe, d'aicme ab airde ná aicme an sclábhaí nó an cheárdaí, iad féin agus a dteaghlach a aistriú chun Connacht agus chun Contae an Chláir, áit a mbeadh píosa beag talún rompu. Ba mhinic a rinneadh an t-aistriú sa gheimhreadh agus ar dhrochbhóithre, agus cailleadh na céadta. Is leis sin a bhaineann dán Uí Mealláin, An Díbirt go Connachta. Tá sé scríofa i leagan scaoilte d'fhilíocht na scol agus cuireann Ó Mealláin in iúl gur fearr ár dtoil a chur le toil Dé: Beag bheas linn ag dul san uaigh. Déantar comparáid idir cás na nGael agus cás na nIosraeilíteach fadó - gnáth-théama sa 17ú haois i ndánta den saghas seo.
- Amhlaidh sin do-ghéanfar libh,
- do-ghéabhaidh sibh gach maith ar dtús:
- atá bhur ndúiche ar neamh
- 's ná bígí leamh in bhur gcúis
Tagairtí
cuir in eagar- Beresford Ellis, Peter (1975). Hell or Connaught! The Cromwellian Colonization of Ireland 1652-1660, Hamish Hamilton, ISBN 241890713
- de Brún, Pádraig agus Ó Buachalla, Breandán agus Ó Coincheanainn, Tomás (eag.) (athchló 1975). Nua-Dhuanaire: Cuid 1, Institiúid Ardléinn Bhaile Átha Cliath.
- Ó Tuama, Seán agus Kinsella, Thomas (athchló 1985). An Duanaire 1600-1900: Poems of the Dispossessed, The Dolmen Press, ISBN 0-937702-02-1.