Lá Domhanda na Daonnúlachta

Ceiliúrtar Lá Domhanda na Daonnúlachta ar fud na cruinne gach bliain ar an 19 Lúnasa chun ómós a léiriú d’oibrithe cabhracha a fuair bás nó a gortaíodh le linn a gcuid oibre. Is ócáid í freisin

• chun ár dtiomantas comhchoiteann do luacha na daonnúlachta a cheiliúradh;
• chun cuidiú le domhan níos daonnúla a chruthú.

Lá Domhanda na Daonnúlachta

Cineál	lá idirnáisiúnta
Comóireann sé	cúnamh daonnúil
Bailíocht	11 Nollaig 2008 -
Lá	19 Lúnasa
Tréimhse	2009 -
Eagraí	na Náisiúin Aontaithe
Suíomh gréasáin	un.org…

Olivia Owen

Léiríonn an lá an tábhacht a bhaineann le comhoibriú idirnáisiúnta chun riachtanais na ndaoine is leochailí ar domhan a shásamh.

Lá Domhanda na Daonnúlachta in Eírinn

Tharraing an tUachtarán Micheál D. Ó hUigínn ar an 19 Lúnasa 2017 aird ar an tábhacht a bhaineann le comhoibriú idirnáisiúnta chun riachtanais na ndaoine is leochailí ar domhan a shásamh. Is deis atá i Lá Domhanda na Daonnúlachta, a dúirt sé, ár ndlúthpháirtíocht le níos mó ná 130 milliún duine thart timpeall an domhain, a bhfuil daonchabhair de dhíth orthu chun maireachtáil, a léiriú.

"Is ábhar bróid dúinn an dea-theist ar Éirinn ina tacaíocht d’íospartaigh na coimhlinte agus na dtubaistí nádúrtha. Agus is féidir linn misneach a thabhairt dá chéile dul i mbun gnímh, agus beartais a lorg a chuideoidh le deireadh a chur leis an mbochtaineacht agus leis an bhforéigean.”