Leictriliú
Má bhíonn dhá leictreoid, den mhiotal céanna fiú, sáite i dtuaslagán leictrilíteach agus má cheanglaítear foinse seachtrach voltais idir na leictreoidí seo, rithfidh sruth tríd an gcóras. Rithfidh an sruth isteach i leictreoid amháin, ar a dtugtar an anóid, tríd an tuaslagán ón anóid go dtí an leictreoid eile, ar a dtugtar an chatóid, agus ansin amach ón gcatóid. Voltaiméadar a thugtar ar an ngléas seo, agus leictriliú a thugtar ar a dtarlaíonn ina iomláine sa voltaiméadar. Le gléas mar seo, is féidir comhdhúile a dheighilt i bhfoirmeacha níos simplí le fuinneamh leictreach. Mar shampla, nuair a leictrilítear uisce idir dhá leictreoid thámha, tarlaíonn an dá leathimoibriú seo a leanas: ag an gcatóid 2 e- + 2 H2O → H2 + 2 OH- (dí-ocsaídiú), agus ag an anóid H2O → ½O2 + 2 H+ + 2 e- (ocsaídiú).
| Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |