Mainistir Bheigthí

Fothracha mainistreach Cistéirsí cois Bóinne i gContae na Mí is ea Mainistir Bheigthí (Bective Abbey as Béarla). Bhunaigh Murchad Ua Maeil Sheachlainn, Rí na Mí, í sa bhliain 1150 mar fho-mhainistir den Mhainistir Mhór, agus tiomnaíodh í don Mhaighdean Bheannaithe. Bhíodh suíochán ag ab na mainistreach seo i bParlaimint na Páile sna meánaoiseanna, agus é ina údarás saolta agus spioradálta araon. Bhí sí ar na chéad mhainistreacha in Éirinn a cuireadh faoi chois le linn Dhíscaoileadh na Mainistreacha sna blianta 1535/36, ó ba rud é go raibh sí chomh gar sin d'ionad cumhachta na nGall i mBaile Átha Cliath.

Mainistir Bheigthí
Sonraí
Cineál	Abtheach
Foirgníocht	14 Eanáir 1147
Dáta díscaoilte, díothaithe nó scartáilte	1537
Suíomh geografach
Limistéar riaracháin	Beigthigh, Éire
53° 34′ 57″ N, 6° 42′ 10″ O
Séadchomhartha náisiúnta na hÉireann
Aitheantóir	187

In ainneoin nach bhfuil ach fothracha ann anois, tá dea-chaoi orthu i gcomparáid le go leor dá leithéid ón ré chéanna. Is séadchomhartha náisiúnta í agus tá í ar oscailt don phobal.

Ábhair Shainspéise

Rinneadh cuid de radhairc an scánnáin Braveheart, le Mel Gibson, a scannánú i Mainistir Bheigthí sna 1990idí.

Leabhair Thagartha

• Boylan, Henry, A Valley of Kings: The Boyne, (Baile Átha Cliath 1988)

• 
•