Páirtí Dlí agus Cirt (an Pholainn)

Páirtí Dlí agus Cirt
	(pl) Prawo i Sprawiedliwość
	;
Sonraí
Cineál	páirtí polaitíochta
Idé-eolaíocht pholaitíochta	coimeádachas náisiúnta ; Polish nationalism (en) ; frithchumannachas ; solidarism (en) ; státachas ; pobalachas ar an eite dheas ; Eoraisceipteach ; economic nationalism (en) ; coimeádachas sóisialta ; Christian right (en)
Ailíniú polaitíochta	eite dheis
Stair
Téann in áit	Solidarity Electoral Action (en)
Dáta a bunaíodh	13 Meitheamh 2001
Bunaitheoir(í)	Lech Kaczyński, Jarosław Kaczyński agus Ludwik Dorn
Gníomhaíocht
Ball de	European Conservatives and Reformists Group (en)
Ballraíocht	45,000 (2021)
Rialachas corparáideach
Ceanncheathrú	Vársá, An Pholainn;
Ceanncheathrú	ul. Nowogrodzka 84/86, 02-018 Warszawa; 84 Nowogrodzka Street in Warsaw, An Pholainn;
Uachtaránacht	Jarosław Kaczyński (2003–)
Ógeagraíocht	Law and Justice Youth Forum (en)
Sejm of the Republic of Poland (en) (2023)	161 / 460
Parlaimint na hEorpa (2019)	24 / 720
Seanad na Polainne (2023)	34 / 100
Eile
Dath
Suíomh gréasáin	http://www.pis.org.pl

Páirtí polaitíochta sa Pholainn is ea Prawo i Sprawiedliwość, an PiS nó Páirtí Dlí agus Ceart, i bhfad amach ar an eite dheis. Bhí an PiS i gcumhacht idir 2015-2023 faoi cheannaireacht Jaroslaw Kaczynski. Le linn an ama sin, bheadh ar an bPiS comhoibriú le Konfederacja, páirtí polaitíochta eile i bhfad amach ar an eite dheis, a bhfuil cuid dá cheannairí antoisceach go leor agus báúil leis an Rúis. Mar sin mhúscail polasaithe an rialtais le linn a thréimhse in oifig a lán amhrais – an reitric náisiúnaíoch, an teannas leis an Aontas Eorpach agus leis an nGearmáin agus thar aon rud eile, géilleadh do shruth coimeádach ar leith san Eaglais Chaitliceach.^[1]

Polasaithe

Faoi pháirtí an PiS, cuireadh deireadh de réir a chéile le go leor de na srianta agus na cosaintí a bhíodh ann ionas go raibh smacht níos mó ag an bpáirtí ar institiúidí an stáit – na cúirteanna, na meáin phoiblí agus an próiseas toghcháin féin. Bhí an PiS ag iarraidh na meáin phoiblí agus na cúirteanna a chur faoi smacht.^[2]
Ó 2021, d'éirigh na dlíthe sa Pholainn maidir leis an nginmhilleadh níos déine ná i bhformhór thíortha na hEorpa.
Cháin lucht feachtais LADT agus comhshaoil an páirtí chomh maith mar gheall ar a sheasamh i leith cúrsaí chearta an duine agus athraithe aeráide.
Le linn 2022-2023, ghlac an PiS seasamh láidir maidir leis an gcogadh san Úcráin, ag tacú le hiomlán a nirt leis an tír a ionsaíodh, cé gur tharla méid áirithe easaontais idir an Pholainn agus an Úcráin le linn an fheachtais toghchánaíochta 2023.^[1]
Ceapadh breithiúna a bhí báúil leis an bpáirtí in ardchúirteanna na tíre. Seo ba chúis leis an aighneas idir an tAE agus páirtí PiS.

Toghchán parlaiminte na Polainne, 2023

Bhí an-imní ann go leanfadh an Pholainn bealach na hUngáire dá rachadh an páirtí i gcumhacht arís, agus inspioráid a fháil ó Viktor Orbán agus a gcuid polasaithe i bhfad amach ar an eite dheis.

I ndeireadh an dála, cé go bhfuair an PiS 'an bua' le 35% den vóta agus 194 feisire, bhí teacht ag an bhfreasúra ar 248 suíochán agus bhí páirtí Donald Tusk, an Platforma Obywatelska (PO), in ann comhrialtas leathan a dhéanamh.

Príomhalt: Toghchán parlaiminte na Polainne, 2023

Féach freisin

Tagairtí

↑ ^1.0 ^1.1 Radvan Markus (19 Deireadh Fómhair 2023). "Tá traidisiún an daonlathais go smior sna Polannaigh agus is maith gur léirigh siad sin" (ga-IE). Tuairisc.ie. Dáta rochtana: 2023-10-19.
↑ "‘An lá leis an Pholainn, an lá leis an daonlathas’ – an móramh caillte ag páirtí rialtais na heite deise" (ga-IE). Tuairisc.ie (2023-10-16). Dáta rochtana: 2023-10-16.

[:0-1] 1.0 ^1.1 Radvan Markus (19 Deireadh Fómhair 2023). "Tá traidisiún an daonlathais go smior sna Polannaigh agus is maith gur léirigh siad sin" (ga-IE). Tuairisc.ie. Dáta rochtana: 2023-10-19.

[:02-2] "‘An lá leis an Pholainn, an lá leis an daonlathas’ – an móramh caillte ag páirtí rialtais na heite deise" (ga-IE). Tuairisc.ie (2023-10-16). Dáta rochtana: 2023-10-16.

[1]

[2]