Pierre Corneille

Drámadóir agus file Francach ab ea Pierre Corneille - nó le Grand Corneille (Gaeilge: Corneille Mór) nó Corneille l'aîné (Gaeilge: Sean-Chorneille/Corneille Mór), mar atá aithne air leis. Do rugadh é i gcathair Rouen na Fraince ar an 6ú lá de Mheitheamh sa mbliain 1606 agus do fuair sé bás i bPáras na Fraince ar an gcéad lá de Dheireadh Fómhair sa mbliain 1684. Tá Pierre Corneille ar dhuine desna drámadóirí Francacha is mó clú den 17ú haois.

Pierre Corneille

Beathaisnéis
Breith	6 Meitheamh 1606 Rouen, An Fhrainc
Bás	1 Deireadh Fómhair 1684 78 bliana d'aois Páras, An Fhrainc
Áit adhlactha	Eglise de Monceaux-l'Abbaye (en)
2 Suíochán 14 den Académie française
22 Eanáir 1647 – 1 Deireadh Fómhair 1684 ← François Maynard – Thomas Corneille →
Faisnéis phearsanta
Reiligiún	Caitliceachas
Scoil a d'fhreastail sé/sí	Lycée Pierre-Corneille
Teanga dhúchais	an Fhraincis
Gníomhaíocht
Réimse oibre	Litríocht
Gairm	drámadóir, scríbhneoir, aistritheoir, file, file dlíodóra
Tréimhse oibre	1625 –  1684
Ball de	Académie française (1647–1684)
Seánra	Greanntraigéide, traigéide agus coiméide
Gluaiseacht	Nuachlasaiceachas
Teangacha	An Fhraincis
Saothar
Saothar suntasach (1636) Le Cid
Teaghlach
Céile	Marie de Lampérière
Páiste	Pierre Corneille
Siblín	Thomas Corneille agus Antoine Corneille
Síniú

Tar éis dó staidéar a dhéanamh ar an ndlí, do chaith sé tamall ina abhcóide ach scríobhadh sé ag an am céanna. Scríbhneoir rí-bhisiúla ab ea é, a chum idir dhrámaí traigéideacha agus dhrámaí grinn. Scríobh sé drámaí grinn ar dtús agus greanntraigéidí níos déanaí. Ba sa bhliain 1640 a thosaigh Corneille ar thraigéidí staire a scríobh.

Is cosúil gurb iad na traigéidí staire sin na saothair is cáiliúla dá chuid sa lá atá inniubh ann - téacsanna ar nós Horace (1640), Cinna (1641), Polyeucte (1642), Rodogune (1644), Héraclius (1647) agus Nicomède (1651). É sin ráite, tá an-chlú go deo ar shaothair ar nós Médée (1635; Gaeilge: Méidé), L'Illusion comique (1636; Gaeilge: An Seachmall Grinn) agus Le Cid (1637; Gaeilge: An Cid) leis.