Raidió na Life

stáisiún raidió Gaeilge in Éirinn

Is stáisiún raidió Gaeilge é Raidió na Life, atá lonnaithe i mBaile Átha Cliath, in oifigí Fhoras na Gaeilge 63-66 Sráid Amiens, Baile Átha Cliath 1. Tá an stáisiún pobail lán-Ghaeilge seo ag craoladh ó Fhómhar na bliana 1993. Bhí an stáisiún lonnaithe i gCearnóg Mhuirfean go dtí gur bhog an stáisiún in éineacht le Foras na Gaeilge chuig áras nua ar Shráid Amiens i mí Dheireadh Fómhair 2017.

Craolann an stáisiúin ó 7am go 4am ó Luan go hAoine agus 24 sa lá ag an deireadh seachtaine ar 106.4MM(FM).

Tá sceideal an stáisiúin mar aon le h-eolas cuimsitheach ar fáil ar an suíomh idirlíon www.raidionalife.ie atá acu agus is féidir éisteacht le beoshruthú ar an idirlíon. Tá an stáisiún ar fáil ar an Seinnteoir Raidió (Aip) chomh maith.

StairCuir in Eagar

Nuair a tháinig an acht craolúcháin i bhfeidhm i 1988 tugadh feidhm reactaíochta don gCoimisiún um Raidió agus Teilifís Neamhspleách (CRTN/IRTC) ceadúnais a bhronadh ar stáisiuin pobail agus tráctála. Tháinig dream gníomhairí teangan le chéile chun féidireachtaí raidió pobail Gaeilge a bhunú. Bunaíodh Comharchumann Raidió Átha Cliath Teoranta (CRÁCT) ar 4 Iúil 1989 mar eagraíocht neamhbhrabúsach chun seirbhís chuimsitheach chraolacháin a sholáthar do mhórcheantar Bhaile Átha Cliath ar bhonn oideachasúil agus pobail. Thosaigh an comharchumann ag díol scaireanna ar ar £25 an ceann agus bunaíodh coiste bunaithe ina raibh Éamon Ó Ciosain mar cathaoirleach mar chathaoirleach air..

An Chéad Craoladh

Chuir an Comharchumann feachtas poiblíochta ar bun agus rinneadh siad taighde ar an éileamh a bheadh ann don tseirbhís. Cuireadh iarratas cuimsitheach ar cheadúnas craolacháin sainspéise faoi bhráid an CRTN i 1990 agus bronnadh ceadúnas coicíse orthu le linn Oireachtas na Gaeilge 1919 i mBaile Átha Cliath. Le cabhair an teicneoir Rónán Ó Fearaíl a bhí ag obair in RTÉ feistíodh dhá sheomra ar chúl Fhoras na Gaeilge le bheith mar stiúdeó raidió. Bronadh an cúram ar Rónán Ó Dufaigh a bhí ag obair do BLB (Bray local Broadcast) theacht ar craoltóirí agus an coicís craoladh a reachtáil

Mar gur éirigh chomh maith leis an gcoicís seo cruthaíodh don choiste go bhféadfaí stáisiún Gaeilge don chathair a reachtáil ar bhonn leanúnach. Chinn an coiste tabhairt fé iarratas chun ceadúnas lán-aimseartha a lorg agus d'éirigh leo.

Ar an 25 Meán Fómhair 1993, thosaigh Raidió na Life ag craoladh Tá Raidió na Life, fé stiúr CRÁCT agus le ceadúnas ó Údarás Craolacháin na hÉireann ó 1993 i leith. Bronnadh athnuachan ar cheadúnas Raidió na Life ar feadh deich mbliana eile ó Eanáir na bliana 2017.

BainisteoiríCuir in Eagar

Rónán Ó Dubhthaigh 1993 - 1994.

Fionnuala Mac Aodha 1994 - 2005.

Maebh Ni Fhallúin 2005 - 2007.

Muiris Ó Fiannachta 2007 - 2020 >.

Foireann Deonach

De dheasca nádúr deonach na hoibre a dhéantar i Raidió na Life, chaith na mílte láithreoirí, iriseoirí, teicneoirí, agus taighdeoirí seal ag obair ann thar na mblianta. Le linn comóradh 10 mbliana den stáisiun mhaígh an bainisteoir Fionnuala Mac Aodha go raibh míle duine théis seal oibre a dhéanamh sa stáisiún,

Craoltóirí Cáiliúla

I measc na gcraoltóirí cáiliúla a fuair a gcleachtadh craoltóireachta i Raidió na Life tá Sharon Ní Bheoláin agus Sinéad Crowley ó Nuacht RTÉ, Aileen Gormley ó Lyric FM, Tom Ó Brannagáin ó 98 FM, Aoibhinn Ní Shúilleabháin (RTÉ), Aoife Nic Cormaic (RTÉ Raidió a hAon), Deirdre Ní Dhálaigh (RTÉ Raidió a hAon), Fachtna Ó Drisceoil (RnaG, RTÉ Raidió a hAon), Ciarán Leonach (Nuacht TG4/RTÉ), Ruairí Mac Con Iomaire (Nuacht TG4/RTÉ), Joe Reddington (Nuacht TG4/RTÉ), Brian Páircéir (Teilifís RTÉ), Michael McCormack (Léiritheoir Feidhmneachí RTÉ), Aedin Conlon (RTÉ), Seán Ó hÉanaí (RTÉ RnaG), Rossa Ó Snodaigh (láithreoir TG4), Cearbhall Ó Síocháin (RTÉ RnaG), Dónal Ó Maolfabhail (Léiritheoir neamhspléach teilifíse), Sonia Nic Giolla Easbuig (Léiritheoir neamhspléach teilifíse), neamhspléach), Rónán Ó Muirthile (NewsTalk, léiritheoir neamhspléach teilifíse), Gráinne Faller (Teilifís RTÉ/Irish Times), Diarmaid Mac Mathúna(léiritheoir Agtel), Róisín Saxe (MTV/VH1), Barbara Nic Dhonnchadha (Láithreoir raidió), Dáithí Ó Dáibhín (láithreoir Top 40 Oifigiúil na hÉireann), Daragh Ó Tuama (iriseoir), Colm Ó Mongáin (RTÉ), Clíona Ní Chíosáin (Aifric Tg4), Caoimhe Ní Chathail (Láithreoir BBC Blas), Laura Gaynor (BBC)  agus na sluaite daoine eile nach iad.

GradaimCuir in Eagar

Tá go leor gradaim agus duaiseanna bainte ag Raidió na Life thar na blianta. Ina measc tá Gradam Bhord na Gaeilge 1999, Gradam na hAislinge 2003, Duaiseanna Oireachtas na Gaeilge, Eachtraí Nua sa Chraoltóireacht 2000/2005 agus gradam Stáisiún Raidió na Bliana ag an Fhéile na Meán Ceilteach in 2013. Le déanaí, faigheann an stáisiún maoiniú faoi scéim Sound & Vision an BAI.

TagairtíCuir in Eagar

Is féidir teagmháil a dhéanamh leis an stáisiún ag 01 6616333 nó téacs a sheoladh chucu ag 086 6001064.

Féach freisinCuir in Eagar