Roscelin de Compiègne
fealsamh Francach
Scoláire scolaíoch Francach agus bunaitheoir an Ainmneachais ab ea Roscelin (1050-c.1121) – an chéad scoláire den scoil sin a bhfuil beagán eolais againn ar a theagasc, cé gurb iad a naimhde amháin a thugann cuntas air. Ba é a thuairim nach raibh saghsanna rudaí ann i ndáiríre. Níl réaltacht le fáil ach sna rudaí indibhidiúla: tá an duine aonair ann, agus tá bun fírinne leis an bhfocal a ainmníonn é, ach níl a leithéid de rud ann is an cine daonna. Ach tuairim chontúirteach í sin i gcúrsaí diagachta, sa mhéid nach mbeadh sa Tríonóid, mar sin, ach triúr neach ar leith seachas trí ghné de Dhia Uilechumhachtach. Ní cinnte, áfach, gur bhain Roscelin feidhm as a theagasc sna cúrsaí sin.
| Beathaisnéis | |
|---|---|
| Breith | c. 1050 (Féilire Ghréagóra) Compiègne, An Fhrainc  |
| Bás | c. 1121 70/71 bliana d'aois Besançon, An Fhrainc |
| Gníomhaíocht | |
| Gairm | fealsamh, diagaire |
| Mac/iníon léinn | Pierre Abélard agus Guillaume de Champeaux |
| Teangacha | An Laidin |
