An difríocht idir athruithe ar: "Des Bishop"

Tá sé ag obair i réimse na siamsaíochta in Éirinn ó dheireadh na [[1990idí|nóchaidí]], tráth ar thosaigh sé ag láithriú seónna san ''[[International Comedy Cellar]]'' i [[Baile Átha Cliath|gcathair Bhaile Átha Cliath]]. Is é an t-aisteoir [[Ardal O'Hanlon]], mar aon le [[Kevin Gildea]] agus [[Barry Murphy]], a bhunaigh an t-ionad agus tá Deasún i mbun riaradh na háite anois in éineacht lena dheartháir [[Aidan Bishop|Aidan]]. Cuireann an club ardán ar fáil do dhaoine óga a bhfuil suim acu in ealaín an fhuirseora. Chuir an áis seo ar a chumas féin forbairt a dhéanamh ar a ghairm agus é ag seasamh os comhair lucht féachana. Tá clú idirnáisiúnta air ó bheith páirteach i bhféilte móra siamsaíochta in Aspen, i n[[Dún Éideann]], i [[Montréal]] agus i g[[Cill Chainnigh]].

 

Chuir pobal na hÉireann aithne air den chéad uair sa bhliain [[2000]] nuair a bhí sé páirteach i sraith chláracha [[teilifís]]e ar [[RTÉ]] a bhí bunaithe ar théamaí tráthúla nuachta dar teideal ''Don’t feed the Gondolas''.<ref name="galwayindep"/> Bhí air éirí as an gclár ar chúinsí pearsanta. Tháinig sé chun solais ina dhiaidh sin go raibh an ailse ag cur as dó ag an am. Níor lig sé dá chuid fadhbanna sláinte an ceann is fearr a fháil air, áfach, agus is amhlaidh a bhain sé miotal as an scéal chun aird a tharraingt ar an ngalar.

 

Tá nós aige plé le daoine atá ar imeall na sochaí agus le topaicí achrannacha a sheachnaítear go minic. Ceistíonn sé os ard na claonta agus na tuairimí dochta atá sa tsochaí. Creideann sé gurb é an bealach is fearr le teacht ar thuiscint phearsanta ar chruacheisteanna an tsaoil ná é féin a lonnú i gceartlár na ndaoine a bhíonn faoi chaibidil aige.

 

Chuir lucht féachana aithne air de bharr na sraithe teilifíse ''The Des Bishop Work Experience'' ar RTÉ. Bhain sé leas as genre theilifís na réaltachta chun solas a scalladh ar an mbealach a chaitear le fostaithe a bhíonn a iarraidh maireachtáil ar an íosphá in Éirinn. Lean na ceamaraí é agus é ag tóraíocht oibre in earnálacha na lónadóireachta agus na turasóireachta. Chaith sé tréimhsí ag obair in [[Abrakebabra]] i b[[Port Láirge]], san Aquadome i d[[Trá Lí]], in [[Superquinn]] i n[[Dún Dealgan]] agus in Óstán an Central i mBaile Átha Cliath mar chuid den dúshlán sin.<ref name="galwayindep"/>

 

Lean sé le sraith dhúshlánach eile a taispeánadh ar RTÉ dar teideal ''Joy in the Hood''. Sa chás seo, chaith sé tréimhsí ag maireachtáil i gceantair bhochta a raibh droch-chlú orthu i gcathracha móra na hÉireann. Tharraing an tsraith conspóid mar gheall ar an bpictiúr réadach den chruatan a léiríodh ó thaobh fadhbanna sóisialta i m[[Baile Munna]], Baile Átha Cliath; Cnoc na hAoine i g[[Corcaigh]]; An Cnoc Theas i [[Luimneach]] agus ceantair bhochta i m[[Béal Feirste]].

 

Is é Deasún a chruthaigh an seó “hip-hopera” dar teideal ‘RAP ÉIRE’ in éindí le [[Arthur Riordan]]. Bhí an scéal grinn bunaithe ar Mheiriceánach uaillmhianach a fuair measctha suas leis an dream contráilte nuair a bhí an Tíogar Ceilteach i mbarr a réime. Léiríodh an seó ar dtús in Ionad Ealaíon an Project i 2001 agus ina dhiaidh sin in [[Amharclann Andrews Lane]]. Bhí Deasún ar an stáitse chuile oíche le linn an chéad shraith in ainneoin é bheith ag fáil ceimiteiripe don ailse a bhí ag cur as dó. Cuireadh an chéad dáta léirithe a bhí beartaithe don seó ar athló tar éis dó a fháil amach go raibh an galar air. Tháinig sé féin agus Riordan le chéile arís agus scríobh siad an dara hiarracht le chéile dar teideal ''Shooting Gallery'', a léiríodh i mBaile Átha Cliath i 2005.

 

Is é an dúshlán is déanaí a tharraing sé chuige féin ná bliain a chaitheamh i n[[Gaeltacht]] [[Conamara|Chonamara]] ag foghlaim na teanga. Chuir sé roimhe dóthain líofachta a bhaint amach le go mbeadh ar a chumas seó i n[[Gaeilge]] a chur i láthair agus a bheith ábalta “comhrá Gaeilge a dhéanamh leis an nGaeilgeoir is géarchúisí dá bhfuil ann”.

 

Cuimhneoidh lucht féachana pictiúrlainne le cion ar Dheasún i bpáirt bheag caimeo a bhí aige ag rapáil i gcúl tacsaí i Nua-Eabhrac sa scannán ''[[In America]]'' (2003) a rinne [[Jim Sheridan]].<ref>{{Imdb ainm|1484711}}</ref>

 

;Dlúthdhioscaí DVD

* ‘The Des Bishop Working Experience’ (RTÉ)

* ‘In America’ (2003, scannán a stiúir Jim Sheridan)

 

{{reflist}}